MENI CHALTRAK OYARSANA ALLAM!HAKYKAT

           "Şu dunýäde üç zady gizläp bolmaz:Güni,Aýy,hem-de   HAKYKATY!"-Budda.
Pul- bu dünýädäki ähli belalaryň sebäpkäri.Uruşlar,maşgaladaky we döwletler möçberindäki,hemmesi hem pul üçin.Parahtçylyk diňe bahana,aslynda hemme zat geljekki girdeýji we kuwwat üçin edilýär.Pul üçin adam öldürmegi hiç zatçada görenoklar.Pul üçin hatda öz ejelerini satjak adamlaram kän.Nädip pul ,şu dünýädäki iň esasy motiwator we iň güýçli argument bolup dur?Näme üçin,pul  kuwwatlylygyň ekwiwalendy bolup dur şü dünýäde?Diňe kuwwatlygyňky hem däl,eýsem hem köp adamlar üçin hem bagtly durmuşyň ekwiwalendy bolup durýar.Şolar ýaly adamlar üçin  bagtyň formulasy ""Pul+pul+Pul=Hakyky Bagt"  bolup durýar.Emma bu diňe öz-özüňi aldadygyň.Zawtraga gymmat kolbasa we syr iýeniň bilen,egniňe gymmat bahaly eşik geýeniň bilen we götüň aşagynda gymmat  maşyn bolany bilen bagtly bolup bolanok.
 Nädip el ýaljak kagyz özünde şunça kuwwady,şunça göz ýaşlary we gan döküşikleri,şunça hasraty  jemläp bildika?

Ýadyma düşýär,kiçi wagtym,tomus kanikulynda,kakam meni ,ýeke özümi oba  ugratdy,daýyma kömekleşmäne.Menem nä,şäherden gelen blatnoýsumak,modern düşünjeli oglan hökmünde ,obadaky adamlara we obanyň  öz bolşuna,durmuş stilina göwni ýetmezçilik bilen seretdim.Ne telewizor bar,ne konditsioner,ne SONy ýa-da SEGA,iň bolmanda DENDY bolsada wagtymy hoş geçirerdim,emma hiçişi hem ýok.Näme temeli?Bu çylşyrymly soraga,daýym şol wagtyň özünde jogap tapdy,"Goýun bakmaly!".Içimden,"Durrrr,daýy,men nirede,goýunlar nirede,goýun bakmak nirdede?Men we goýun sözi bir sözlemde bir wada gelip bilenok,goýun bakmaga aňyrda dursun".Ýöne,daýym,içimdäki pikirjikleri duýan ýaly,ertesi gün,oool dagdaky ýataklary äkidip gaýtdy, meni we öz çopan ogluny.Ikimizi goýduda,özi ýene-de yzyna gaýtdy,oba tarap.Başda meniň içim gysyp,ölip barýardy,bar işi daýymyň ogly Begenç edýärdi.Agşamlaryna bolsa,daýym gelip bize iýer-içer ýaly zat getirýärdi.Bir gün,oduň başynda otyramyzda,men Begenje :
--Begam,obada içiň gysanokmaý? diýip,bilesigelijilik bilen soradym.Ol bolsa :
--Näme üçin içim gyssyn?Maňa gerek hemme zat mende bar.Gaýtam,şähere gitsem,erbet içim gysýar.Siziň jaýlaryňyz  obadan  bolsada,şäher adamlary owadan däl,gödek,içigara,ýalta,ejiz.Oglanlara oglanada meňzänok,gyz ýalak,oňňarýan zatlary ýok,diňe mekdebe gidip-gelmäni we telewizor görmäni bilýäler.Meniň üçin seniňem gyzdan tapawudyň ýok.Şugün ,görüp otyrsyňa nähili kynlyk bilen odun çapanymy??,şonda ýanyma gelip "Bega,kömek edeýinmi?" diýmegiň ýerine,"Garalaýmaýyn,kellämden gün geçäýmesin,elim hapalanaýmasyn!" diýip kölegede ýatdyň.Bilýän,beren soragyňa düýbünden başgaça jogap bermelidim men,emma şulary diýmesem bolanokdy saňa,artyk içimde saklap bilmedim.Sen BAGTYŇY telewizorda,SUNY-ňy oýnamakda,gowy geýinmekde görýän bolsaň,men öz BAGTYMY şu goýunlary bakmakda görýän.

--SUNY däl,SONY!
--Tapawudy näme,esasy zat sen meniň näme diýjek bolýanyma düşündiň.
Bu sözlere gaty görüp,men ýerimden turdymda,garaňkylyga tarap ýöräp başladym,Gaharyma.Sebäbi hakykat gaharymy getirtdi,sebäbi onuň aýdan her bir sözi,100% hem däl,1000% dogrydy,emma şu zatlara men özüm akyl ýetirmändirin.Garaňkylykda ýörän bolsamam,indi ýolum  hakykat bilen ýagtylandy.Ertesi günüň özünde,men özümdaki gyz häsiýetli Eziz-i öldürdimde,oba çopany Eziz-a öwrüldim.
Çopan bolmak,oba oglany bolmak gaty hezil eken.Boş wagt ýok diýen ýaly,her bir sekunduň üçin hökman edere bir iş tapylýar.Günüň nähili geçenini hem bilmän galýaň.Betinden işleýäň,emma betindenem iýip-içýän.Günde bolmasa,gün aşa şara,her gün süýt we gatyk,gyzgynjak tamdyr çöregi,alma,armyt,nar.Näme iýeýin diýseňem bar,özem mugt.Adamlaram hemmesi güler ýüzli,biri-birlerini tanap duran ,haýsy öýe barsaňam gyzgyn gujak bilen garşylaýarlar.Oba indi meniň üçin Jennete öwrüldi,şäher  durmuşy ýatdan çykan ýaly.Öýede gaýdasym gelenokdy,emma gaýtmaly boldum.Okuw bardy ,okuw.
Şeýdip,2 aýyň içinde,men özümiň BAGt bardaky düşünjämi üýtgetdim.BAGT- pul-da däl,zat-da däl,ol seniň içiňde,seniň özüňde,durmuşa bolan garaýşyňda we şol garaýşyňy hakykata geçirşiňde.
HAKYKY BAGTY HIÇ HAÇAN PUL BILEN SATYN ALYP BOLMAZ!!!

                                                             *****Pulsyzlyk*****
Aslynda öz maksadyňa ýetmek üçin pulsyzlyk hiç hem böwet bolmaly däl welin,meniň ýagdaýymda,kadadan çykma bolaýdy öýdýän.Doganymdan pul sorasamam,bermedi,"Şuwagt maşyn aljak bolýan!" diýdi.Dostlarym menden beter gedaý,aýlykdan-aýlyga ýaşap ýören.Öz aýlygym erbedäm däl welin,mäňä gerek summany üýşürýänçäm 3-4 ýyl gerek bolmakçy.BAnk?Oda bolanok,pod zalog goýmana zadym ýok.Garaz,pu planymy hem wagtlaýynça unutmaly boldy.Wagtlaýynça....
                                                               ****Umytsyzlyk****
Ýadadym,hemme zatdan.Şu durmuşymdanam,soraglardanam,hakykatdanam.Bizar.Näme üçin men henizem özüme rahatlyk tapyp bilemokkam?Eýýäm ençeme wagtama geçdi,emma hemme zat hamala düýn bolan ýaly.Käwagtlar ýurek sançýar.Özem ýaman erbet,bilemok,nämäniň alamatydygyn.Meniň pikirimçe ýüregim hem indi bu pikirlere jydaman başlady.
                                                                *****  4 diwar****
Ýalňyzlyk,durnuklylyk,içgysgynçlyk,we  umytsyzlyk atly diwarlar  meni ýekeleýärler.Gaçara ýer ýok,hemme ýer ýapyk.                                                  
                                                               ***Arzuwlar*****
  Soňky döwür,ýüregimde bir arzuw öz köküni tutup başlady.Çynym bilen KAKA bolasym gelýär.Öz çagajygymy elime alyp,daşarda ,arassa howada aýlanasym gelýär.Bilemok näme sebäpli ,emma gün-günden şu arzuw güýçkenýär>Belkii dogrydanam,eýýäm wagyt bolandyr,maşgalaly bolmana.                                                                                                                                                                                                               ****Hakykat****

Durmuşymyň ýene bir güni tamamlanyp gelýär.Hemme zat edil öňkisi ýaly geçip dur.Täzelik ýok.Aslynda täzeliklere garaşman,olary özüň döretmeli welin,ýadawlykdan ýaňa täzelik döretmäne ýagdaý galanok.Diňe bir hepdesoňy diýäýmeseň.Mallar bilen işleşseň her gün şu hala ýetmeli bolýar.Olara mal diýen bolýan welin,entäk,kimiň maldygy hem anyk belli däl.Belki hakykatdan hem olar,a belki men...

Öýe gedlim,öýde gyzgyn suw akanok.Üsütum bolsa görer ýaly däl.Näme etmeli indi?Kelläme ýekeje bir pikir geldi,ol hem,KÖNE öýe gidip ol ýerde ýuwunyp gaýtmak.Öýümiz daş däldi,5 minutlyk ýoldur,gaty gitse.
Öýe  girenimden ýene endamym titräp başlady.Ýatlamalar ýene-de meni geçmişe äkitdi.Ýene-de dyzyma çökdüm.Ýene-de gözýaşlarym saklap bilmedim.Emma bu gezek gözýaşlar uzaga çekmedi.Bu öýde kän egelenmez ýaly,bir döwürler gana bulaşan banýa girmeli boldum.Içi arasaja bolsada,meniň üçin ak kafellar entägem gana bulaşan ýaly bolup dur.Ganyň ysy hem howada ýaly hamala.
Suwa düşüp başladym,suw damjalary bir-birden meniň ýadaw bedenimiň üstünden geçip,meniň ýadawlygymy aýyryp başladylar.Öz bedenimdäki kirleri sawunlap arassalap otyrkam,birden sabyn elimden sypdyda,wannanyň aşagyna gaçdy.Ony tapaýyn diýip,wannanyň aşagyny gözlap otyrkam,birden bir bölek kagyz elime ildi.Nämäň kagyzyka diýip,ony ýagtylyga çykardym.Kiçijek bir kagyz bölegi,durşy bilen gatan gan,emma ol ganyň arasyndA gök çernil bilen ýazylan üç  sany söz bardy :
GOŇŞY MERET ÖLDÜRDI 
...Hekaýanyň dowamy we soňky bölümi şu hepde dynç güni size ýetirler.