Gökdepe galasy barada kino düşürilmelimi?
Bir gowy habardan soň kelläme pikir geldi. Türkmenistanyň teleradioýaýlymlar ministrligi Türkmeniň Gökdepe galadaky gahrymanlary barada kino düşürse nähili bolarka?! diýip. Onsoň siz bilenem maslahatlaşyp göräýin diýdim.
Bu proýekty meniň kellämdäki ýaly we bütin Türkmen halky kinony görüp ýene bir gezek şol gahrymanlaryna guwanar ýaly etjek bolsag-a, boýun almaly ýurdymyzdaky şu wagtky kinostudiýalaryň hiç biriniň güýji ýetmeýär.
Şonuň üçin daşary ýurt professional kinostudiýalaryň birine ýüz tutmaly diýen netijä geldim. 
Ýöne, ine, Troýa kinoňky ýaly 175 million dollarlyk budjet bolar diýsem, köpiňiziň ýoooooooooook diýjegiňizi bilýän. Menem şeýle diýerdim. 175 milliona kino düşürmän has peýdaly zatlaryň köpsini edip bolardy.
Budjetyň ägirt boljagyny bilemsoň bir zat kelläme geldi. Biziň 5 millionlyk halkymyz bilen nähili pes budjetli kino çykarsaňam çykdajyňy ödäp bilmejegiň anyk. Şonuň üçin Türkmenistanyň teleradioýaýlymlar ministrligi bu proýektde her nämede bolsa çykdajyly bolmagyna razy bolmalymyka diýýän. Sebäbi film ýörite Türkmen halky üçin ediler we halkyň gahrymanlaryny ýatlap ruhy Galkyndyrmak adyna uly ädim bolarmyka diýýän.
Ýöne, şonda-da edil 175 milliona men ýene-de razy däl. Ondan azrak budjeta-da şol derejede gowy kino çykarup bolar. Onsoň pikirlenip otyrdym-da wariantlarymy siz bilen paýlaşmak isledim:
2008-nji ýylda Gazaklar Ruslar we Nemesler bilen Mongol atly bir kino düşürýärler, Çingiz han barada. 2008-de şol kino iň gowy daşary ýurt filmi ugry boýunça Oscara hödürlenýär. Speçeffektli gaty ussatlyk bilen düşürilen kino. 5 sany kinokompaniýa birleşip düşürýär. Bu kinonyň budjeti 20 million dollar. Režissýory bolsa Кавказский пленник ýaly kinolaryň ady belli režissýory Sergeý Bodrow - Ulysy. 
Ilkinji teklibim şu ýaşuly. Indikisi bolsa Gazagystanda doglan, ejesi rus kakasy gazak Russiýanyň Aşgabatda gulluk eden režissýory Timur Bekmammedow:
Bu ýaşulyň entek taryhy uruşganly çykaran kinosy ýok. Ýöne, bu ýaşulyň kinoda speç effektlar bilen edýän oýnuna Hollywood'am haýran galdy. Şol sebäpdenem Uniwersal Pictures 2008-nji ýylda Wanted diýip uly bir kinoproýektlaryna režissýorlyk etmäge çagyrdy.
Umuman aýdaňda Gökdepe gala barada düşüriljek kino hem 20 million dollara golaý bir çykdajy edermikä diýýän. Rus serkerdeleriniň rolyny tanymal rus aktýorlaryna ynanyp we ssenariýa hökmünde-de Ata Gowşudowyň Perman romanyny bersek, režissýoryň özi adaptirlärmikä diýýän. Sebäbi ýokardaky 2 režissýoram ssenaristlik kärini ýerine ýetirýär.
Kino düşürilende iň köp pul speçeffektlara çykýar bilşimçe. Menem näme üçin Gökdepe galasy baradaky kinony speçeffektly zatly göz öňüme getiripdirin. Umuman ýokary tehnologiýalar ulanyp, ussatlyk bilen düşürilen film Türkmen tomaşaçylary üçin zerur we halkara medeni gatnaşyklarymyzda-da gerek bolarmyka diýýän-dä...
Ýöne, ine, esasy soragy bolsa size beresim gelýär: Şular ýaly ägirt çykdajylar bilen Türkmenistanyň teleradioýaýlymlar ministrligi Gökdepe galasy barada kino düşürmelimi?
düşürilsinmi?
gaty gowy bolardy(76%, 29 adam)
gymmat düşýär, gury çykdajy gerek däl(2%, 1 adam)
wapşe Gökdepe galasy barada kino düşürmek nireden kelläňe geldaý?(21%, 8 adam)
Состояние архива
● Полный текст
● Сохранено комментариев: 73/73
Опубликовано на сайте: ertir.com · Источник: копия Web Archive — ertir.com, 1 мая 2012 · Открыть оригинал ↗
Комментарии 73
şo, çeppemyrat ýaly artistlaryň kinonynyň işini görerler diýip gorkýanda
Gökdepe döwründeki ýaraglar bilen kän bir effekt gerek däl, köplenç taryhy kinolary 'romantizm' temasynda görkeziljek bolanda köp efekt goşulýar. esasanam gadymy taryhy söweşler şeýle tema bilen düşirilýär. Ýöne ýaňy ýakynda bolup geçen real hadysalary realist temada düşirseňem bolýar. Efekti kän goşman ýeterli derejede azrak ulanyp, esasysy senariýa bilenem gowy kino çykarsa bolýar. Iň ähmiýetli ýeri şol senariýa. We idea gowy bolmaly. Berjek sapagyň ýada düşinjäni gowy saýlamaly. Türkleriň Fetih 1453 kinosy efektden doly, ýöne senariýasy doly oturmandyr. We belli bir ideasy hem ýok. Käbir ýerlerinde, hollywooda özenjek bolup ýalňyş maglumatlaram goşulypdyr. ana şol romantik temada düşirjek bolup baýdagy diken mübärek esgeri ýöne bir gyz söýgüsi yzynda ylgap ýören bir esger ýaly edip görkezmek ýalňyşy meselem... garaz esasysy taryhy faktlary realist uslup bilen, gowyja senariýa bilen görkezmeli. azajyk efekt bolsa ýetik.
Örän gowy pikir. Men mysal üçin pul tölemeselerem bir gahrymanlarynyñ roluny oynap bererdim 🙂 her isi üçin dobrojelatellar tapylsa kinony arzanragam düsürlip bolardy.
kinon sonynda orslar yenmelimi?
kelle
20 müň manatdan goshmajak bolup sheý diýýäňmi 😆😆:
20 müñden dasary etjek isimi aydymla dogan.
olar ýaly dobrojelatellar bilen kinony hökümet garyşmasa-da özümizem düşürip bilýäslaý, ýöne ony görjek tapylarmy tapylmazmy şol belli däl-dä
taryhda nähili bolan bolsa şol bolmaly.
Hökümetden bidin çöp başy gymyldamaz diýip atalar sözi bardymy 🙂
gow pikir...
oncha pul chykaranyna gora sony gowy gutaryan kino chekmelimika diyyan ozuma. Orslan gyrgynchylygyny gorkezip milletchilik duygylaryny gorkezmek gerek dal. Menin pikrimche shu wagta chenli chekilmeyaninin sebabem shol politiki yagdaylar bolsa gerek.
Onun deregine taze senariya bilen oguzhan, seljuklar, alp arslan, gorogly, magtymguly kinolaryny gormek islardim.
Garaz şu wagtky lozuň -diňe söýgi- bolsa, ýene Mährem Çynar ýaly kino düşiriläýmese. W.H. sagbolsun söýgüden garyp goýanok bizi. näbileýin... bilmedimda...
hökümetden bidin çöp başy gymyldadyp bolýar, eger-de çöpi ramkaň içinde gymyldatsaň. ýöne, köpçülige ýaýramak ýa ýaýratmak meselesinde edip boljak zat ýok. asla dobroželateller bilen görer ýaly kino düşürip bolaram öýdemok, edil şu mowzukda
Alp Arslanyň ýada Magtymgulyň durmuşyny düşirerdim menä.
Ruslar gyran bolsa gyrdy diýip görkezeris-dä wi. Milletçilik nirde bärde? Perman romany SSSR döwri çap edilipdir dämi?! diýmek şol döwür şol kitaby ýakmadyk bolsalar indi-hä wapşe hiç hili garşylyk bolmaz. Taryhy fakt barada gürrüň gidýär bärde. Soňuny gowy etmeli diýip duýgyçyl bolsak hindi kino bolýar bu.
seriyal etseniza, hasam gowy bolar
seriyal etseniza, hasam gowy bolar
seriyal etseniza, hasam gowy bolar
kitaby okamadym dogrusy wakany bilyarin. Okasam orslary itden beter yigrenjegimi bilyan. Ikinjidenem Gokdepe soweshi gynansakda Turkmenistanyn hemme halkyny baglayan waka dal. Beyleki welayatdaky adamlary biynjalyk yada 'komege gelmansiniz' yaly tireparazlygy tazeden oyandyrar. Bu uly kino diyaniz. Tasirem uly bolar. Ona derek aydyshym yaly oguzhan, magtymguly, gorogly, alp arslan, bularda hich hili beyle problemalar yok. Herkim buysanyp, sony gowy gutaryany uchin begenip seredip bilayjek kinolary bolardy.