yetimlik

Haýyş edyän yetim diymäň yetime
Gazabyna duçar bolaymaň Allaň
Yetimiň enesi ene yer bolar
Yetimiň atasy nurana asman

Yetim yerde yören agy hem ahdyr
Yetim Hakdan yere gelen sedadyr
Haýyş edyän yetim diymäň yetime
Yetimiň hossary yalňyz Hudadyr

Yetimi göreňde güler ýüz berip
Külpet düşen gamgyn başyn sypalaň
Biribar yetimi-yesiri bile
Her milletiň ahlagyny synayar

Akyl et takdyryň işidir bende
Müşgil yowuz oynudyr bu jahanyň
Enesin ynjydyp yören nekgende
Yetimden sora sen enäň bahasyn

Atanyň bahasyn yetimden sora
Atasyn ynjydyp yören gurrumsak
Bir tarapdan seni synlasa halkyň
Beyleki tarapdan synlayandyr Hak

Yetim yerde yaşap yören hesretdir
Yetim yerde yaşap yören gussadyr
Yetimin gujagna göteren döwlet
Meger ähli zamanlara nusgadyr

Haýyş edyän yetim diymäň yetime
Oňa hoş söz bilen mähir derkardyr
Yetimiň öňünde beyik ykbaly
Arkasynda bolsa hudaýy bardyr