DÖRT TIGIR

Gününi zordan aýlaýan garryja bir adamyň aýaly bilen bir köneje ýük maşyny bar eken. Anadolynyň kiçijik şäherleriniň birinde ýaşaýarlar. Ỳük daşap gazananjasy bilen gününi görmäge çalyşýarlar.
 Ỳük maşynyny täzelemek aňyrda dursun, oňa seretdirip hem bilenokdy.”Iň bolmanda tigirlerini bir çalşyp bolsady.” Diýip ýörkäler, aýalyna biraz miras galan pul berilýär.
 Ỳalňyş düşünilmesin Diňe tigirleri çalşyp bolaýjak mukdardaky ol puly adamsyna maşyna tigir almak üçin berýär. Adamsy tigir alamga gidip barýarka öňünden bir dul aýal çykýar. Hal-ahwal soraşanlaryndan soň dul aýal iki çagasy bilen özüniň örän kyn ýagdaýdagyny aýdýar. Ỳaşuly elindeki hemme puly dul aýala uzadyp: “Al, gyzym! Bu pul saňa zerur gerek. Meniň zerurlygym onçakly däl.” diỳỳär. 
 Biçäre zenanyň begenjiniň çägi ỳokdy. Süriji ỳaşula ỳagşy dileg-doga etdi. 
  Sürüji ỳaşuly agşam öỳüne gelende aỳaly soraỳar:
- Tigir aldyňmy?
Ỳaşuly näme diỳsin ...
- Almadym.
- Näme üçin?
- Tigir ỳok eken.
- Bolỳar-la ... Puly näme etdiň? Ỳitiräỳen-ä dälsiň?
- Ỳok-la. Pul nemede, tigir satỳanda. Tigir gelse getirer. 
Şondan soň, aỳaly her agşam şol bir soragy soraỳar, adamsy-da şol bir jogaby berỳär:
- Tigirler gelipdirmi?
- Gelmändir.
- Gelipdirmi?
- Gelmändir.
 Şol günlerde-de Körfez söweşi başlaỳar. Adamsy her gün şol bir ỳalany aỳtmakdan ỳadap, bir gün öỳüne gelende şeỳle diỳỳär:
- Keỳwany, tigirler daşary ỳurtdan gelỳär. Şu wagt bolsa bu bolup bilmejek zat. 
- Näme üçin?
- Uruş dowam edỳär.
Aỳaly birnäçe aỳlap: “Çaltrak uruş gutaraỳbilseỳdir. Maşynyň tigirini çalşar ỳaly” diỳip dileg edỳär. Ỳaşuly bolsa köne tigirli maşyny bilen işine dowam edỳär. Günleriň birinde urşuň gutarandygy habar berilỳär. Ỳaşuly hem ỳalan sözlemekden ỳadapdyr we “Şo gün agşam bolan wakany bolşy ỳaly gürrüň bereỳin. Näme bolsa şo bolsun! Kyỳamat gopasy ỳok-la ...”
 Şol pikir bilen öỳüne baryp: “Keỳwany, şu tigir meselesi bar-a” diỳip söze başlanda, aỳaly “Hä, bilỳärin” 
- Nämäni bilỳärsiň?
- Gelipdir. Gelipdir.
- Näme gelipdir?
- Tigirler.
- Nähili tigir?
- Maşynyň tigiri.
- Nirden bilỳärsiň?
- Dükançy geldi.
- Haỳsy dükançy? Tigir satỳanmy?
- Hawa, şu salgyny goỳup gitdi. “Ertir hökman gelip tigirlerini alsyn”-diỳdi.
- Eỳ Hudaỳ jan!
  Ỳaşuly haỳran galmakdan başga hiç zat edip bilenokdy. Ol gije naharyny iỳip namazyny okanyndan soňra ỳerine geçip ỳatdy. Säher bilen eline salgyny alyp, tigir dükançysynyň gapysyna barỳar. 
 Dükançy “Jenabym nirede bolduňyz?” diỳip söze başlaỳar we “Allaň razylygy üçin şu tigirleri alyň!” diỳỳär. Sürüji ỳaşuly “Bu näme boldugy?”- diỳip soranda dükançy bolan wakany gürrüň berỳär:
- Birnäçe gün mundan ozal düỳşümizde Pygamberimizi gördüm. “Pylan adamyň ỳanyna git we dört tigir ber” diỳdi. Men gowulyk bolabersin diỳdim we soň düỳşdir-dä diỳip kän üns bermedim. Näme edenimi hem bilmändirin. Jahyllyk-da, bagyşlarsyňyz. Durmuşym bulaşdy. Öten agşam hem maňa şeỳle bir igendi welin siz soramaň, men aỳtmaỳyn! Maňa şeỳle diỳdi: “Seni, şol adama berjek dört tigiriň halas eder...” Haỳyş edỳärin, şu tigirleri alyň we meni halas ediň.