Saña duşup...

Men söÿginiñ gözleginde, 
                 gözleriñe duçar boldum.
Öñler-ä ot ÿaly gyzdym, 
                 yşka köÿen naçar boldum.

Ahwalyny bilmän-bilmän,
Şu güne çen gülman-gülmän,
Indi ökde gülek boldum,
Bir kesirdim, gyñyrdym-da,
Maña duşup, oñardyñ-da,
Baÿ-baÿ, indi bir mysapyr,
Bir mylaÿym melek boldum.

Seniñ üçin dünÿe bir ÿan,
ÿeke özümem bir ÿan boldum.
Juda-juda bagtlylykamam,
                 gussalardan girÿän boldum.
Men görgüljik saña duşup,                                       
             gamly düÿşler görÿän boldum.

Ellerimden tutjak çagyñ: 
        "Ÿok" diÿsem gaÿta-gaÿta,
Göwünjeñem boldum men.
Joralarymyñ ÿanynda 
                    sen hakynda aÿda-aÿda,
Öwünjeñem boldum men.

Öÿkeläñde, elimi däl, 
                    adymy hem tutmadyñ,
Gül ÿaly adym barka,                                        
         atsyz boldum,  "A gyz" boldum.
Öÿkelämde, ÿalbaryplar dyza çökdüñ
Hakyky şagyz boldum...
Şeÿde-şeÿde yrdyñ 
                                      meni,
Şeÿdip saña razy  
                               boldum.

Awtory: Gülnabat Begenjowa, 
Tükmenistanyñ DIM-niñ Halkara gatnaşyklar institutynyñ talyby
(Nesil gazeti 12.04.2012)