Ýigitlere öýlenmegi maslahat berýärin.

Durmuşa çykmak gowumy, öýlenmek ?
''durmusha chykmak vs oylenmek'' diyen yaly bolupdyr munyng 😆😆😆😆

gowy tema haladym+

Hah ses berilshik betday

ÖÝLENGINÝigit halyň garrylygaSalaýyn diýseň, öýlengin.Kethudalyk endişesinKylaýyn diýseň, öýlengin.Kethudalyk gözel ýoldur,Gaýgy garrydar, gam öldir,Ýigitlik bir gyzyl güldür,Solaýyn diýseň, öýlengin.Öý, il gerek, ýorgan-düşek,Perzent bentdir, aýal-duşak,Ýüke werzigär boz eşek,Bolaýyn diýseň, öýlengin.Gezer sen oýnap, dalaşyp,Galar sen gama bulaşyp,Hasrata, derde ulaşypGalaýyn diýseň, öýlengin.Joşgun eder sen özüňden,Aýrylar sen hoş ýazyňdan,Tükenmez derdiň yzyndanÝeleýin diýseň, öýlengin.Ötir ýigitlik zamanyn,Getir garrylyk dumanyn,Dünýäniň ýagşy, ýamanynBileýin diýseň, öýlengin.Ýigitlik bir gyzyl gülşen,Garrylykda öçer röwşen.Gujak-gujak gara ýowşanÝolaýyn diýseň, öýlengin.Magtymguly, gezip her taý,Etmezdiň jahanda perwaý,Pygamber sünnetin berjaýKylaýyn diýseň, öýlengin.

Kerim Gurbannepesowyn bägülli ýigit atly goşgusynda belleýişi ýaly

Öýlenmek gowy haçan-da alan gelniň özüňe wepaly bolup sen diýip işden geleriňe garaşyp dursa. eger tersi bolsa welin öýlenen günüňde biliňe daňylan guşagy boýnuňa salanyňy duýman galarsyň...Şonuň üçin öýlenjek ýigitlere maşgalaly bolmaga taýýar bolmagy, eklenç aladaň näçe az bolsa şonça aňsatlyk bilen öwrenişiljekdigini, aýlyk gazanjyň geljek ýerini taýýarlap öý we öý goşlaryny jemläp öýlenmeklerini maslahat berýärin...Eger bulary jemälp ýetişmekdiklerem igenje öwrenişmeli bolarlar...

öylenemson jogap yazaymasam, hazirlikçe  nesihatynyz üçin sagbolyn diymek galýa.

Bägülli ýigit atly goşgyny okamagyňyzy haýyş edýärin.

AROZY:
Bägülli ýigit atly goşgyny okamagyňyzy haýyş edýärin.

nirde bar?

“Bägülli ýigit”

Bazardan gelýärin. Elimde sebet,
Sebedimiň içi – pamidor, kelem,
Kartoşka, badamjan.. Duralga çenli
Gurady aýaklam
Guruşdy ellem.

Şonda-da dyrjaşyp bar güýjim bilen
Bazardan çykýan-da duralga ýetýän.
Duralgaň öň ýanda – kijijik dukan,
Kiçijigem bolsa – içinde et kän.

Ondanam bir budy sebede atýan…
Awtobusa münýän. Sagynýan sakga.
Keýwany “bir düzüm gyzyl burç getir!”
Diýipdi ahbetin. – Haý, şofýor, sakla!
Awtobusy sakla! – Näme, ýaşuly?
- Aý, neme… gyzyl burç çykypdyr ýatdan…
Näme diýýänimi aňşyrmasa-da,
Gowy ýigit eken. Geçdi-de ýapdan,
Maşyny togtatdy. Açyldy işik,
Menem derrew bökdüm. Aslyşdy sebet.
Bir aýal yzymdan gygyryp galdy:
“Bu şlýapaň bolup ýörşüne seret!
Bir gün unaşyňy burçsyz içeňde
Geçmez öýtdüňmi sen bokurdagyňdan?!”

Awtobusyň içi sarsdy-da gitdi 
Burç söýmez adamlaň pykyrdysyndan.
Menem hüňňürdedim: “Gülüpler geçiň,
Öýe gyzyl burçsyz barmajagym hak.
Keýwanyň buýrygy – meň üçin kanun:
Burç getir diýdimi – burç alyp barjak,
Zäk getir diýdimi – zäk alyp barjak,
Ol meniň öz işim. Size bagly däl.
Onsoň men siziň äriňiz ýaly,
Ýa oglyňyz ýaly ejemogly däl!…”

Şeýdip öz-özüme teselle berip,
Bazaryň çetinden ätledim ýene.
Şeýle bir burçlar bar, köz ýaly burçlar!
- Essalawmaleýkim, burç satýan ene!
Burçyňyz ajymy?
- Datdajyk göräý.
Edil zirk ýalydyr.
- Sagja bol, mama.
Ozalam ot ýaly agzymyň içi.
Keýwanyňkam ýetik. Wah, seňki näme!

… Kelemli, käşirli, soganly, burçly
Bir putluk sebede kertdirip elim,
Bazardan saýlandym, giň köçä çykdym.
Köçe durşy bile gyz bilen gelin.

Garşymdan gyssanyp bir ýigit gelýär
Garagyýçak ýigit, dogumly ýigit.
Bir maralyň ýanna howlygyp barýar
Gujagy bir harman bägülli ýigit.

Şeýe bir, şeýe bir gyssanýar ýigit,
Onda-da şeýebir gyssanyp gelýär.
Göýä bägülüne bakýanlardanam
Bägülüniň ysyn gysganyp gelýär.

Wah, nämä gyssanýaň, bägülli ýigit?
Wah, beýle gyssanmak nämäňe gerek?
Ýa-da eliňdäki bägüle derek
Sebediňi kartoşkadan dolduryp,
Gyzyl burçdan (we başgadan) dolduryp
Gitmeli günüňe gyssanýarmyň sen? 
Wah, nämä gyssanýaň, 
Bägülli ýigit?

Kerim Gurbannepes

Sag bol @Chigildem goshgy üçin. Toýuňda gaýtsyn!!

Öylenmegem govy zat.

Wah, nämä gyssanýaň, bägülli ýigit?

Wah, beýle gyssanmak nämäňe gerek?

Ýa-da eliňdäki bägüle derek

Sebediňi kartoşkadan dolduryp,

Gyzyl burçdan (we başgadan) dolduryp

Gitmeli günüňe gyssanýarmyň sen? 

Wah, nämä gyssanýaň, 

Bägülli ýigit?

Kerim aga bet aydypsynzay su setirleri! Yatan yeri yagty bolsun!!