göleli gürriň
Galyň barada öňem bir näçe sapar temalar açylan bolsa gerek. Meň üçin wawwaly mesele bolup durýady şu zat. Wagtyň geçmegi bilen adam öwrenişýämi ýa alaçsyz kabul etmek mejburiýetinde galýamy bilmedim, ýöne indi bir hili ýönekeý, pikirini etmäge degmeýän biderek zat ýaly bolup galdy galyňly mesele, göleli gürriňler. Biziň-ä kör düýämiz köpriden geçdi. Näçe wawwaly bolsa-da ýüzleşmeli stadiýasyndan dawno geçdik. Indi öňde, biz gelin almaly bolup durys. Ýa şondan galyňyň biderekdigini aňyp başladymmykam...indi tölemeli tarap biz bolamsok. Ondan däl bolmagam mumkin. Şondan bolmagam mümkin. Parhy ýok. Esas zat içimde öňden bäri üýşip giden pikirlemi dökmek isledim galyň barada. Ilki bilen galyň söziniň manysy we nädip döreýşi meni gyzyklandyrýar. Galyň-küti-artykmaç diýmek. Gyz çykarylanda tölenýän Mehiriň nädip galyňa öwrilendigi barada bolsa hiç hili pikirim ýok. Bilýänler öwredip biler. Ata-babalarymyza syn salsak baryp taryhyň baý-kulak döwirine çenli baryp ýetýär bu mesele. Kim bilýä belki şol döwürde dörän bolmagam ahmal. Dul baý adamlaryň pukara maşgaladan gyzy mal ýaly satyn almagy bilen türkmen däpleriniň arasyna parazit bolup giren bomagy ahmal. Oň yzy bilenem gyz çaga dogulanda "baýapsyňyz tüweleme" "ulalan soň satyp mazalyja gönelern" ýaly hem degişmeli hem çyn gatyşykly sözler-de şol galyňyň däp bolanyndan soň orta çykan bolmagy ahmal. Nireden we nädip gelipdiriň kän bir manysam ýokla. Mesele muny özen manysyna gaýtaryp getirmek. Mydama galyň agzalanda ilki gyzlar hekgerilýä "şolaň baram gyzyň özine siňýä" diýip. Nä dereje dogry bolup biler. Dogry bolaýanda-da nä dereje "dogry" bolup biler. Çakdan aşa agyr salynýan galyňyň näçe prasendini gyz geljekgi ojagyna ýa-da özine sarp edýäkä. Barjasyny özine sarp edýä diýlende çig süýt emen adamyň puldan doýany-dolmazy bolmaýan dünýäde gyz has mesirgedigi bolanokmy. Hemme kişiniň hem aňsatjak asmandan düşen puly arzuwlan gezekleri bolandyr. Ýa meslikden ýa-da hakykatdan hem mätäçlikden. Muň ýaly şans dagyn ele geçen soň ulanman bolmaz diýip har uryp harman sowurmaly däldir-ä. Dogry musulmançylykda mehiriň mukdary ýok. Gyzyň ynsabyna bagly köpem isläp biler, azam. Wah gep diňe gyza galsa oglan görgili ony razy edip aljak-la welin gapdallaky garyndaşlary, ejeňi nätjek. Olaryň razylygyndan daşaram-a hereket edip bolmaz. Galyňyň gözi çyksynmy ejäniň ýa-da gözçykan gyzlaryň. Kim günäkär, şu masgaraçylygyň ýok bolup gitmeli ýerinde öňkisindenem beter möwjäp gitmeginde, kim günäkär?!
Gyz günäkär---men näme planydan kemmi diýýäni üçin. Bir galyň bilen ne sen baýap bilersiň ne-de bar isleg arzuwlaryňy bir galyň hasyl edip biler. Ara ýolda öz-öziň bolmakdan çykyp galarsyň başga gazanan zadyň bolmaýa. Seni gelin edip aljak kişi boýdaşlaň arasynda diliň gyzga bolmazlygy üçin gaýrat eden wagty üstine hop edip ýüklenäýmelem däl. Hiçiňem durmuşa çykdym diýip biri beýlekiden kem ýa-da üstinligiň galyň bilen tartylanok. Baran ýigidiň bilen ölçerilýäň. Waaaý bu-la Janinden geýinibem bilmändirlaý, men ondan owadan boldym diýýäniň beýinjiklerini şygyrdadyp görmeli. Toý diýeniň howwa ömriňde bir sapar bolýa ýöne bir parlap bir öçip galandan ömir boýy parlap ýöreniň gowy dämi. Baran ýigidiňe buýsanyp ýüzüň şatlykdan ýalpyldap dursa gowy dälmi. Döşiň 2000 dollarlyk kolýeli, ag gaş brožkaly, galyň bilezikli ýaldyr-ýuldyr bolup ýöreniňden. Sadalykdanam müň dürli gözellik ýaradyp bolýa.
Ejesi günäkär---gyzym ilden üýtgeşik toý etjek. Ilden üýtgeşik geýindirjek. Öz gyzyny pikir edýändigi üçin. Ýüregiňi burşdyrýan zat çagaňdan soraman ony bagtly etjek bolmak. Gyzyň pikirini ýa äsgermezlik ýa-da kaýyl bolmazlyk. Özini çagasynyň bagtyny islemekde üstin görmeklik. Çaga öziniň bagt islegine olardan kem düşünýä pikiri kööööp kişiniň gursagyna od oklan bolsa gerek. Hmmm birem galyň bilen özine köýnejik dikinmek, göleli sygyrjyk alynmak isleýän ene-atada az bolsa-da bar.
Umuman ele alaňda kän bir çylşyrymly meselede-de däl welin gaty köp kişiň höwesini ýartyda taşlatýa-da. Iň aňsady oglanyň göniläp gyzdan nämeler isleýändigini soramak. Ikiçäk üçinji kişilersiz belli pikirde ylalaşyga geljek bolmak. Süýt hakynda ejäni razy etseň boldy. Ondan daşary öziňden kiçi haky, ruçka tutan haky, garry mama bilen babaň haky, kakasyna kastýum-jalbar....bla bla bla. Öýüňde zikge kakýan maşynyň bar bolsa ýedi puşdynyň çagalaryny hem razy etmäge hakyň bar. Ýok bolsa düşündirjek bolmaly. Bar bolup bermek islemänem bilersiň bulam seniň iň tebigy hakyňdygyny hem düşündirjek bolmaly gyzyň eje we kakasyna. Maksat galyň däl-de mehir tölemek ýagny gyzy razy etmek bolmaly...
Состояние архива
● Полный текст
● Сохранено комментариев: 78/78
Опубликовано на сайте: ertir.com · Источник: копия Web Archive — ertir.com, 7 мая 2012 · Открыть оригинал ↗
Комментарии 78
Galyñ hakda ahyrky sözum: Bähbit bolsun!
göleli gürrün nirden gelya
галын хич эсасы яшлар багтлы болсын.
kop taraplayyn oylandyryjy tema, teswirlerem oylandyrdy
Galyňy durmuş gurjaklaryň öňünde böwet hökminde göremok. Görmändimem. Ýaşlaryň öňündäki birinji böwet şeýtan. Soň göribilmeýänler. Jahyllyk. Ene-atanyň ýetersiz bilgisi we çagalaryň ene-atasyna bolan sylagdan ynamy. Diýjek bolýanym. Ulylara-da sylagyň bolmaly ýöne öýlenýän ýigit bilen gyz esasan berk durmaly. Näme-de bolsa çözilýän ykbal olaryňky. Birinji nobatda ikisi şu mehir temasynda biri-birini razy etmeli. Wah ene-atalamyz musulmançylygy kadasyna görä bilsediler çagalary olardan öňe geçeslerem ýokdy. Kakalara kän bu işe goşulanoklar welin ejeler köpbilmişsiräp weýran edip bilýäler hemme zady. Olaňam göwnine degmeli däl, ýöne ynansaňam ynan welin eşejigiňi berk gazyga bagla diýýäler, esasy kontrol ýaşlaň öz elinde bolmaly.
Mesele duypgoter problema bolanson, çuñlakay pikirlenmeli, kop taraplayyn ele alynmaly we cozgutler doretmeli.. Belañ körügi jahyllyk.
Süýt haky 100-200 DTM arasynda üýtgeýä. Razy boljak ene her halyndan razydyr, gyzynyň bagty bolsa bolany. Razy bolmajakda iş ba. Olardaňym wyždany ýoldaşy bolsyn näme diýeli.
Mugt zady-da gadyrlap bilýän adamlar bar ýöne mesele Jansyz zatda däl. Bir adamyň, gyzyň gürriňi. Gyz pahyry zat ýaly görýänler utansyn. Diňe gaçyp gideniň kän gadyry bolanok. Razylygy bilen mugt gitmek gaýtam oň gadyryny ulaldaýmasa.
Il arasyndaky gepler-dä bularam. Hakykat ajy. Düşünjämiz agsaýa janym türkmenim..
Menin uchina galynyn tapawudy yok, oklaryn
ongune $100 000-y geregini alsyn galanyny
afrika gechiraysin!😆
Gowy ýatlatdyň. Ýene bir bidereklik. Öz gyzynyň toýyny oglandan geljek galyň bilen sowjak bolmak. Eww eýsem bu nalajedeýinlik däl-de näme. Gyzyňy oglyňy öýli işikli etmek her ene-atanyň borjydyr. Oglan tarap iki çagasyna toý tutyp beren ýaly bir zat bolýar-a bi. Birazajygam bolsa utanmak gerek. Baryňdan bazar eýle diýipdirler.
Esasy biri-birini söýip, düşünip ýaşajakdygyna gözi ýetýän bolsalar diýsene..
Her kim durmuş ýoldaşyny saýlamakda öz göwni öz geňeşçisi, ýöne musulmana musulman gelişer. Türkmene türkmen. Garry enem pahyr mydama aýdar eken: her millediň azany beýleki millediň azanyny alar diýip. Öňem bir ýerde ýazanym ýadyma düşüp gitdi 🙂. Bu sözem edil enem ýaly garran bolaýmasa häzirki döwire garaňda 🙂. Millet parh etmän biler ýöne maşgalaň uzyn ömri üçin düşinje birligi şeýle-de din birligi esasy zatmyka diýýän. Biz musulmanlarda-da mehirsiz gyz bolmaz. Kadasyna laýyk ýörelse ýagşy.
Bir zada aňyňyz ýetsin-dä. Iki ýaşlara durmuş guryp bermekde diňe oglan tarap jogapkärli däl. Oglan-gyz ikisem gazanç edýän bolsa ene-atalaryna agram bolman öz ojaklaryny özleri guryp bilse ne ýagşy. Olar eýgermeýän bolsa iş uly ýaşlylara düşýä, iki tarapam deň goltgy bolmaly ýaşlara.
Ölümden başga zada çäre badyrhow ruhdan düşme...
Ýadymda çalak-çulak galan galyňyň hatyny ýazaýyn. Köp ýerlerde ýazylýanlaryndan:
Oň Bolsyn!!!
Hatyň başy Ýüň saçak
Türkmen haly (1 sany)
Ors haly (2 sany)
Şabramaly seçekli (2 sany)
Keteni (2 sany)
Gymmat öýme (4 sany)
Gyzyllar:
Brilliant komplekt (2000$)
Kolýe (2000$)
Ak gaş brožka ýa-da Gapak brožka
Bilezik
Nika ýüzik
Galyňy: 60 mln - 100 mln arasy
Atgulak:
Kolýaska
Tikin maşyn
Sandyk
Horjyn
10 ýorgan
10 düşek
10 ýassyk
10 ştapel
10 oglan köýnek
Süýjilik:
10 karopka süýji
10 karopka köke
50 käse
50 çemçe
çanak
10 çäýnek
syrçaly bedre
(gyradan biri: meň kamazyma tekerem ýazyp goýberuuu keýwany 😆)
ejesine: 1 mln
bassaş jigisine: 1 mln
ruçka tutana balgar
Ruhyňyz tug deýin belentde bolsyn !!! Ylalaşars.
Indi biz öz çagalamyzda praktika dökeris-dä, a to kime seretseň lakgy-lakgy söz netije ýok. Soňam iki däl-de bir toý bolar ýaly etmeli. Bary garyndaş-garyndaş takylsynlar işte ne güzel. Nämä gerek bir zady iki sapar gaýtalamak.
pah pah Görogly !!!
Gyzlar we dayzlar galyny az alsan gybat etyaler diyyaniz welin, dine iki mashgala arasynda ylalashylan zady nadip bashgalar bilyar? Gelshiksiz dalmi birine galyn nache saldyn gyz? diymek? Shu umuman birinin finans ya pul yagdayyny soramak in ayyp goryan zadym, bilemok name uchin.
Galybersede, gyzyn oz mashgalasy shu galynda salynyan gyzyllary alyp bereninden, yagny baryndan dashynda yene ep-eslini aldyryarlar. Name uchin gyz durmusha chykyancha hich sheyle zat alynanok, alynaysada chykanda shony goyup gitmeli yaly gorulyar kop yerde? Meselem on bir komplekt dakynyan gyzylyn bar bolsa, ondan dashyndan yene biri hokmanmy? Onsonam shu gyzyly asla halamayan, dakynmayan biri bolsa gyzyl salmak hokmanmy? Shol boyunlaryna kile-kile edip dakyan monjuklaryna derek, geline gelishayjek zatlar bolsa bolanokmyka? Meselem kumush gulyaka salsa? Ya onam towerek gen gorer, gybat eder gerek?
Menem oylenmeli 3 sany jigim bar, kichimizi dagy oyeryanchak shu inflyasiya bilen galyn nacha bararka
Umuman galynda gozuni chykartmasyna garshy. Ylalashykly bolmaly zat. We gyzyn toyuny oglan tarapa yuklemek ayyp. Gaty ayyp. Gyz hem senin bagryndan onen chagan dalmi, toyuny howes edip ozun tutup beresin gelmezmi?
Мен ойленжекдэл диен нетижэ гелдим 😆
Ýokardaky spisokda:
10 goýun
1 halta un
1 halta bürünç
ýatdan çykypdyr 😆
Йо, сонкы сомениям гитди. Точно ойленжекдэл 😆