2-nji bölüm: Ömür kitaby. Ýazyjy Nargylyç Hojageldiýewiň Ata Gowşudowyň 'Perman' romanyna sözsoňy ýazgysy. (Gysgaça, Perman romanynyň ykbaly barada)

Ýöne halkyň janly gepleşik diliniň tebigy normalary edebi diliň hökmany grammatiki normalary bilen garjaşýar-da, käte ýazyjynyň sözlemlerinde tagaşyksyzlyk, grammatiki formalaryň birliginiň saklanmazlygy ýaly ýagdaýlar ýüze çykýar. Näme üçindir, halk dilini şeýle gowy bilýän, oňa çäksiz sarpa goýýan ýazyjy edebi dilde-de ylmy edebiýatda bolaýmasa, çeper edebiýatda hem kän ulanylmaýan «we» baglaýjy kömekçisini biçak köp ulanýar. Munuň gereg-u-gerek däl ýerinde gaty köp ulanylýandygyna ýazyjynyň telim gezek gaýtalanyp neşir edilip gelinýän çeper eserlerine çalaja ser salanyňda-da göz ýetirmek bolar.

«Perman» romanynda grammatiki taýdan sypnylamaly, taraşlamaly sözlemler köp gabat gelýär. Şonuň üçinem bu babatda romanyň dili, aýratynam awtoryň öz dili mazaly syntgylandy. Dialoglaryň gurluş tehnikasyna, zaman birliginiň saklanylyşyna üns berildi. Mysal üçin, originaldaky «Haçan-da bolsa geçen ýyllaryň biri gaty gurak geldi. Şonda kimdir-de takwa yrymçynyň biri» diýen jümle «Bir gezek ýyl gaty gurak geldi. Şonda kimdir takwa yrymçynyň biri» diýlip berildi. Romany redaktirlemek işi esasan şunuň ýaly manyda geçirildi.

Ýöne ýazyjynyň leksikasyna hiç hili üýtgeşiklik girizilmedi. Onuň ulanan sözleriniň hemmesini saklamaga çalşyldy. Sözlemde sözleriň tertibini üýtgediläýen halatynda-da, manynyň doly hem dürs saklanmagyna aýratyn üns berildi. Hatda ýerine düşendigine-düşmändigine garamazdan, ýazyjynyň öz ýasan sözleriniňem hemmesi üýtgedilmän galdyryldy. Mysal üçin, ýazyjy «terrorçylyk» sözüniň deregine «ýekeleme adam öldurmek» diýen söz düzümini alýar. Muny «terrorçylyk» diýip düzetmäniňde-de, «alalap adam öldürmek» diýip düzetmegem mümkin. Emma tekstde ýazyjynyň «ýekeleme» sözi ulanyldy. Bir tarapdan, «ýekeleme» sözi «terrorçylyk» sözüniň manysyna ýakynlaşmanam duranok. Gämik ýekelenende-de, gerek däli, artykmajy aýrylýar.

Ýazyjy Nargylyç Hojageldiýewiň ' Ömür kitaby' atly Ata Gowşudowyň 'Perman' romanyna ýazan sözsoňy ýazgysynyň 2-nji bölüminiň soňy.

(Bu ady agzalan sözsoňy ýaşuly ýazyjynyň 'Perman' romanynyň ykbaly baradadyr.) Bu sözsoňy ýazgysy jemi 3 (üç) bölümden ybaratdyr.

Bu ýazylan sözsoňy baradaky garaýyşlaryňyz we Perman romany baradaky öz pikirleriňizi şu aşakda ýazyp bilersiňiz.

P.S. Romany elektron görnüşe geçirýärkäm, bilmezlikden goýberen säwliklerim, harp ýalňyşlary bar bolsa we eger ol harplar siziň romany okamagyňyza päsgelçilik döredýän bolsa, kyn görmän aýtmagyňyzy haýyş edýärin. Men indikile ol ýalňyşlary düzetmekçidirin.

Halanmadyk (-1)

Jemi 23 sany teswir.

Okalan sany: 67

Meniň edebiýat bilen baglanyşykly açan bu mowzugymy halamaýanlaram bar ekeni. Ozal hiç haçan şeýle ýagdaý duş gelmänsoň, geň gördüm.

Saywer gynanma dushunen tapylar.Yone kabir mallar barda aramyzda natjek.Sen bu edyan azabyna sarpam uly.

Merikk:
Saywer gynanma dushunen tapylar.Yone kabir mallar barda aramyzda natjek.Sen bu edyan azabyna sarpam uly.

Ýok-la, dost. Näme üçin gynanaýyn. Men, ýöne, haýran galdym. Bu ýerde ol minus goýan agza (aslynda, men ony tanaýan) tema görä däl-de, meni halamandygy üçin minus goýan bolýar. Şeýdip, meniň gaharymy getirjek bolýar. Bular ýalyny 'it üýrer, kerwen geçer' etmeli.

Sawyer! Men ,,Perman,, romanyny doly okasamda yokarda aydan maglumatlaryny hem bir makalada okap gechende bolsam,(emma dolulygyna okamandym) bu gezek tazeden okan yaly boldum. Ya kop wagt gechipdir okanyma ya-da unsli okamandyryn senin bu mowzugyndan kop peydalanara zatlary gordum. Ellerin dert gozmesin.! Gaytalap gaytalam  okamak uchin bolsa halanlaryma goshyan.Umuman hemme achyan mowzuklaryn derdimize degyar. gechilenleri gaytalamagyn beyle peydasynyn bardygyny siz owretdiniz diysem-de boljak. Sebabi ya-ha gaytalap okamak uchin shol kitaplary tapmayas ya-da elimize kitap alynyan dowurler hoool uzakda galyp kompyuter ,,keseli,, gaty degipdir oydyan. Hich dushusryp bilemok.Ine siz bu yerde zahmet bilen goyyanyz yazyanyz bize bolsa elyeterli bolyar sizin sayanyzda elbetde...
      Mowzugy halamayan diyenler hakda bolsa unsem berman. Olaryn mowzugy okamayandygyna ya-da okayanda hem dushunmeyandigine ynanyan. Yone biz-a hezi edip lezzet alyas. Sizin mowzugynyza sabyrsyzlyk bilen garshyas.👍

Dildar gelnejang yazanlaryny yazjakdym shu wagt 🙂 gowysy men goshylayyn aydylana 🙂 Sawyer dost eling gozung dert gormesin, zahmetinge berekella! tutysh turkmen nesiline peydaly işleng ucın Kop sag bol

Dildar gelneje we aslymarly dost! Siz-ä meni tolgundyraýdyňyz. Men-ä indi näme diýjegimem bilemok. Çeken zähmetiň gadry bilinse, oňa ýetesi zat bolmajak eken. Ikiňize-de köp-köp sag boluň! Menem indi bir zada düşündim. Yhlas etseň, ýerine düşjek eken. Çeper eserleri we olar baradaky garaýyşlary internete ýerleşdirmekde meniň asyl maksadym islendik türkmen okyjysynyň islän wagty islän maglumatyny ýeňillik bilen tapyp bilmegini gazanmak. Şol maksat bilen şu işi özbaşdak dowam edip ýörin. Goldawyňyza we komplimentiňize tüýs ýürekden minnetdar!!!

Gollanma.comda iki eseri goyupdyrlar.Perman hem-de Kesearkach bulary sen komegin bn yazypdyrlar,sana minnetdarlygyny bildiripdirler.Biri shugun dandan bu barad mowzuk acdy.Girip gor

Merikk:
Gollanma.comda iki eseri goyupdyrlar.Perman hem-de Kesearkach bulary sen komegin bn yazypdyrlar,sana minnetdarlygyny bildiripdirler.Biri shugun dandan bu barad mowzuk acdy.Girip gor

Sag bol, Merikk dost! Bu-la juda begendiriji habar. Men ol mowzugy ýaňyja okap gördüm. Ol mowzugy açan gollanmanyň eýeleriniň biri. Biz, köplenç, bilelikde işleýäris. Meni ýatlapdyrlar. Begendirdiler. Sag bolsunlar!

aý soňy näme diýerkä diýip gysgaldyp okadym,soň bir başdan okadym, aý garaz adam pahyr 1 täzelik tapsa, çalt gyzykly ýerine(adyň manysyna )ýetesi gelýärda, sagja bol sawýer aga, Dädem pahyr aýdardy jedel etme iş et-diýip, şol diýişi ýaly siziň zähmetiňize hormatym uly, we sizden haýşdym ýene ýetirip duryň, talyplarada köpräk aýlanyp dur agam

Gaty gyzykly hem gerekli maglumatlar. Elleriňe saglyk! Permany okanyma köp wagt boldy. Wakalary ýadyma saldy. Mowzugyň ýarysyny okadym. Häzir çykmaly bolamsoň, doly okap ýetişmedim. Nesip bolsa ertir ýa-da agşam okaryn! Beýle maglumatlaryň internetde bolmagyň özem begendiriji waka!