Soňky bäş ýollanma ugrunda göres (FUTBOL)

Futbol boýunça 2014-nji ýylda Braziliýada geçiriljek Dünýä Kubogyna Aziýa yklymyndan 4-nji saýlama tapgyrynda çykyş etmäge hukuk ga­zanan 10 döwletiň 4-si ýa-da 5-si gatnaşar.

Golaýda Kuala Lumpurda Aziýa zolagynyň 4-nji saýlama tapgyrynyň bi­jeleri çekildi. Günorta Koreýanyň, Eýranyň, Özbegistanyň, Kataryň we Liwanyň milli ýygyndylary “A” toparçany düzýän bolsa, onda “B” topar­çada Awstraliýanyň, Ýaponiýanyň, Yragyň, Iordaniýanyň hem-de Oma­nyň ýygyndylary özara güýç synanyşar. Toparçadaky duşuşyklar 2012-nji ýylyň 3-nji iýuny 2013-nji ýylyň 18-nji iýuny aralygynda geçi­riler. Her toparçada ilkinji iki orny alanlar Braziliýa ýollanma alarlar. 3-nji orny eýelänler bolsa özara pleý-off duşuşygyndan soň Günorta Amerika yklymynyň wekili bilen hem myhmançylykda, hemem öz meýdançasynda duşuşar. Ýeňiji bolan topar öz yklymynyň Dünýä Ku­bogyndaky 5-nji wekili bolar.

“A” toparça: Günorta Koreýa, Eýran, Özbegistan, Katar, Liwan

“B” toparça: Awstraliýa, Ýaponiýa, Yrak, Iordaniýa, Oman.