Zenanlar ( Shatlyk Hudaynazarow )

zenanlar
Durmuş siziň bilen gözeldir,güldür
Ömür siziň bilen hezildir,ýegdir
Barlygyňyz bagtyň özüne deňdir
Sizsiňiz ýaşaýşy bala garýanlar
Mähriban zenanlar!

Ilkinji watan siz adam ogluna
Ilkinji edep siz ynsan kowmuna
Niýetiňiz meňzeş daňyň nuruna
Geljege paýhasly nazar salýanlar
Mähriban zenanlar!

Aşyk aşyklygyn sizden alandyr
Şar gara gözlerden,näzden alandyr
Şahyrlara ylham, bagşa gazal siz
Gül keşbini ýaman gözden goranlar
Mähriban zenanlar!

Ene siz,gelin siz,uýa siz,nur siz,
Biz bir günem oňup bilmeris sizsiz,
Ömrüňize Taňryň keremi siňsin
Perişdeler deýin işiň oňlanlar
Mähriban zenanlar!

Şatlyk Hudaýnazarow