GYZ GÖÇÜRÝÄNIŇ OŇAÝSYZLYGY
Arada 3-4 jaý beýlerägimde ýaşaýan goňşym geldi. Şol günüň ertesi onuň uly gyzy durmuşa çykýardy. Gele-gelmäne:
- Aý, şu wagt gelnejeň bilen sögüşip, öýkeleşip gaýtdym - diýip habar berdi.
- Beh, beh, toý güni gelnejemiň göwnüne degmäweri, haw! - diýdim.
- Şu gün-ä şoň göwnüne degmeli boldy.
Sebäbini soradym.
- Sebäbi ertir uluja gyzymy göçürýän. Şu günem giçlik hol Gökjedäki toý mekanynda toýuny edýäs. O toýa-da geljekki körekenem gelýär. Indi gelnejeň pikiri, meni şol toýa eltmek. Onsoň mikrofonda gepläp, toý dabarasyny açyp bermeli. Gyzym bilen ol köreken bolmaly oglana toý gutlagyny aýdyp, bagtly bolmaklaryny arzuw etmeli. Soňky döwürde uly ilem şeýdýärmiş. Il etse, edýändir welin, şu düzgün meň-ä halys göwnüme jaý däl. Düşünýän, gyz maşgala iru-giç göçmeli, kişi maşgalasydyr, uluja gyzym, alny-bagty açyk bolsun! Ýöne gyzymyň toýunda beýdip ýörmegi gaty gelşiksiz görýän. Her kimiň ýasawy birhili-dä. Gelnejeňem şu wagt yzymda aglap galdy, sen barmasaň, il näme diýer, meni masgara etdiň diýip. Nämesi masgaraçylyk şuň?
- Aý, hawa-da, goňşy, düzgün-tertip, däp-dessur üýtgäp gidip otyr. Ile görä boljak diýseň-ä, özüňe garşy gidip, gelnejemiň diýeni bilen bolup, barybermeli bolýaň. Göwnemeseňem, gelnejemiň göwnüne degmeli bolýaň. Nätjek-dä, ýogsa menem oňlamok şo düzgüni - diýip, hem-ä goňşyma göwünlik berdim, hemem şu meselede öz pikirimi aýtdym.
- Özümden uly aýal doganym durmuşa çykanda kakam pahyr iki günläp öýe-de gelmedi. Bizem oňa-muňa gidip, öýe giç köwlenipdik. Aý, birhili-dä, how, türkmençilik-dä. Gaty görme weli, bajyňy äre berip, gelnalyjysyny ugradyp ýörseň, nähili bolar-aý, aý, däl-laý. Men-ä bolamok şu düzgüne - diýip goňşym ýüregi bilen zeýrendi. Soň geçen asyryň 60-njy, 70-nji ýyllarynyň toýlaryny ýatlady.
- O döwürlerde öýlenýän oglanlar gelinalyja gidenokdy. Asyl köplenç öýlenýän oglany tapybam bolanokdy. Utanjyndan onda-munda bukulyp ýörerdi. Pah, dünýe gaty çalt özgerýär-ow.
Dünýäniň çalt özgerişi barada, täze nysaklar, döwrebaplyk, oňlanylmaly we oňlanylmaly däl zatlar hakynda gürrüň edip, 2-3 çäýnek çaý içipdiris. Giçlik goňşym hoşlaşyp gitdi.
Dogrusyny aýtsam, köne türkmençilik ýörelgesi bilen täze toý dessurlarynyň arasynda janyna aram tapman, ser-sepil bolup ýören janserek goňşyma meň-ä haýpym geldi. Bizem-ä ogul ösdürip, gyz ýetişdirip ýörüs. Bu ýagdaýlar, nesip etse, bir gün bize-de gabat geler. Näme ederkäk?
Состояние архива
● Полный текст
● Сохранено комментариев: 173/173
Опубликовано на сайте: ertir.com · Источник: копия Web Archive — ertir.com, 9 мая 2012 · Открыть оригинал ↗
Комментарии 173
Nika toy guni gyylyar ! Toy ozi nikanyng gyylmagynyng adamlara duyurulmagydyr ! Shol barada hadysam bar ! Yone cydap bilmeyanler 6 ay ongundenem gyydyryandyr ony ...
biz tarapda nika toy gununing ertesi gyylya , dazhe toy bolup galyng gechirilen bolsada !!heyem bir ongunden nika gyyyp bolormay...??? o nahili duzgun sizde??? dushinmedim..??
Nadip toy gununin ertesi gyylyar ??? O_O Heyem bir sonundan nika gyyylarmyyy? O_O
sheyle shola....toy gununing ertesi nika, zags eyle beyle , mollany chagyryp turkmen nika gyyyalar , gyzyng oyune sachak ugradylya gyzyng gyz eken , biz nika razy(oglan tarap) diyip .Song sadaka gornushinde ach bishirilip tohum tiji oglan tarap oturylya, gyz toya razylyk beende-de gengesh toy diyip toy hem bar,oglan oyunde!!!
be*rende -de bolmaly
siz biz dal, bizem siz dal shon ucin!
dogrudyr onda , onda dap-dessuran ayratyn sizinkiden bizinki!!!!!
For me it sound weird. No comment (Inlischeligi uchin otunch sorayan)
Sounds*
в этом нечего странного, получается у нас с вами разные традиции и всё, для меня также странно как и тебе!!!
👍 🙂
👍 🙂
👍 🙂
melekjan bir gezek basaymalyda 😆
way, menem shu wagt gordum, inetda, menem beytmek islemandim 🙂
@Mia! Sen-ä oňaraýdyň. Heý toýdan soňam bir nika gyýylarmy? Bolmaz-a! Sen biraz nädogry düşünipsiň öýdýän.
Toy gunundaki gije zyna bolyarmy onsong? Nikasyz gatnashyk? Mia nirede yashayarka,gyzykly mening uçhin
Menem gyzyklandyrýar şol. Ýöne ýalan bolaýmasa.
Asyl köplenç öýlenýän oglany tapybam bolanokdy. Utanjyndan onda-munda bukulyp ýörerdi.
Haý döwup gurläpdir-ow...
Nika toýdan öň gyýylýar asly... Ýöne häzirki dowurde toýuň ertesi gyýýarlar, sebäbi nu doga duşýämişmi nämemi, yrym edýärler garaz.
yewropalashan ildeshimizda 😆