:) SMILE (: (15.02.2012)

♥♥♥♥♥

Iki jora gürleşýär:

- A gyz, sag eliňdäki bellik nämäni aňladýar?

- Hää, bu belligi ejem belledile, gyz. "Joraňka gideniňde ýüzüň ugruna sowlup daýzaňa bir kişilik pombarhy hem äkidip ber" diýdi.

- Eltdiňmi onsoň?

 - Ýok-la, ejem matany bermegi unudypdyr.

♥♥♥♥♥
Bir aýal ogullaryny goňşularyna ýag dilemäge iberýär. Olar iki bolup, "Men göterjek-de, men göterjek" bolşup gelýärkäler, ýagy göterip gelýän büdräp ýykylypdyr. Olaryň beýlekisi:

- Ýagy dökdüň gerek?! - diýip soraýar.

Beýlekisi ýatan ýerinden:

- Ýagy-ha dökemok welin, gaby tapamok - diýip jogap beriňdir.

♥♥♥♥♥
Eneli ogul çöl bilen gidip barýarkalar edil durnanyň gözi ýaly dury suwly guýunyň üstünden barýarlar. Guýa sereden ogly suwuň ýüzünde öz şeklini görüp, ejesine ýüzlenýär:

- Eje, gel, görsene, hakyt guýuň düýbünde biri otyr. 

Ejesi guýa seredip:

- Onuň gapdalynda bir garry aýalam-a bar - diýýär.

♥♥♥♥♥
Çaýyň gaýnaryna garaşa-garaşa sabyr käsesi dolan goja gyzyna ýüzlenýär:

 - Gyzym, çaý haçan gaýnarka?

- Aý, näbileýin, kaka, ýogsam ýanýan otdan ýaňa kitiriň gulpy gaçyp, özem eräre geldi - diýip, gyzy arkaýyn jogap beripdir.

♥♥♥♥♥
Biziň edaramyzda arassaçylyga uly üns berilýär - diýip, edaranyň başlygy täze işgäre ýüzlenýär:

- Siz içerik girmänkaňiz aýagyňyzy gowy süpürdiňizmi?

- Hawa, süpürdim. 

- Örän gowy. Ondan başga-da biz öz işgärlerimiziň dogruçyllygyna hem örän üns berýäris. Gapynyň daş ýüzünde hiç hili süpürgijiň ýokdugyny hemmeler bilýär...