Bagt eliň aýasynda! (Oka,oýlan!)

 Düýn iýip-içip otyrkam gazýetde bir ýazga gözüm düşdi, siz bilenem paýlaşaýyn diýdim. Hawa iýip-içip otyrkam gazýet okaýan =D ( Esgerler ýa-da talyplar bilýändir )

"Dostum maňa şeýle gürrüň berdi: "Biz iki dostduk. Bir eneden bolan süýtdeş dogana öýlendik. Ýöne, kysmatdyr-da, meniň öýlenen gyzyma tebigat gözellik bermändir. Dostumyň aýaly, tersine gözelligi bilen akylyňy haýran edýärdi. Muny görüp ähli dünýäm agdar-düňder boldy, ýazgydymdan närazy bolup, ýüzümi salladym ýördüm.

Şeýlelikde, gaýynatamyň öýünde ýaşap başladyk. Özümi dünýädäki iň betbagt adam hasaplaýardym. Dostumyň aýaly bilen bagtlydygyny görüp, oňa gözüm giderdi.

Aý geçdi,ýyl geçdi...Aýlanyp duran çarhypelek çüwen bagtymy görmegim üçin gözlerimi açdy. Aýalymdaky artykmaçlyklar ýüze çykyp başlady. Ol söýgü-mähir bilen ýylgyrýar welin,bütin günki argynlygym aýrylyp, dünýäm giňäp gidýär. Onuň zähmetsöýerligi hem uly hormata mynasyp. Sen, belki dostumyň aýalynyň häsiýeti bilen gyzyklanýansyň? Gynansagam, ol ýalta hem-de hyrsyz bolup çykdy. Indi dostumyň maňa gözi gidip başlady. Häzir men söýgüli aýalym bilen bagtly durmuşda ýaşaýaryn.

Dostum,bagtly,agzybir,abraýly maşgala gurmak üçin owadanlyk gerek däl eken. Ýürekden çykan mähirden doly ýylgyryşy dünýäniň hiç bir gözelligine çalyşmaryn. Bagt öz eliňde, aýallaryň içinde eken."

Arap dilinden terjime eden Dünýägözel Begnazarowa (talyp)

"NESIL" gazýetinden