YALAN zat ýazmadym...

Bir batyl adam adamlaryň köp gelim-gidimli ýerinde oturan eken. Öňünde-de papagy hem-de "Men bir kör bende, ýagdaýyňyz boldugyndan kömek ediň!" diýen ýazgyly kagyz bar eken.

Geçip barýan bir kişi onuň ýanynda aýak çekipdir. Görse, maýybyň papagynyň içinde sähelçe şaýlyk pul bar eken. Ol papaga bir-iki sany şaýlyk oklapdyr-da, kör pahyrdan rugsat hem soramazdan, onuň öňündäki kagyzyň arka tarapyna başga sözleri ýazypdyr-da, öňki ýerinde goýubam, öz ýoly bilen gidipdir.

Esli wagtdan soň yzyna geçip barýarka, ýaňky adam papagynyň içiniň sadaka berlen puldan doludygyny görüpdir. Kör ony aýak urşundan tanapdyr-da, ondan: "Sen şu ýagyny üýtgeden adammy?" diýip sorapdyr. Şeýle-de onuň kagyza näme ýazanlygyny bilmek isläpdir. Ol adam: "Men ýalan zat ýazmadym. Men diňe öňki ýazgyny başgaça beýan etdim" - diýip jogap beripdir-de ýoly bilen bolupdyr.

Onuň ýazan ýazgysy şeýle eken: "Häzir bahar pasly, ýöne men bu gözelligi görüp bilemok".

Nesil gazeti