Andreý Waronin ― GDA-da ýylyň futbolçysy

Rossiýada gündelik çapdan çykýan abraýly «Советский спорт» gazetiniň geçiren ses berlişiginiň netijesi boýunça, Ukrainanyň Milli ýygyndysynyň hem-de Moskwanyň Dinamosynyň 32 ýaşly hüjümçisi Andreý Waronin 2011-nji ýylyň jemi boýunça GDA-nyň iň gowy futbolçysy diýlip saýlanyldy.



GDA-nyň iň güýçli futbolçysyny saýlamak maksady bilen «Советский спорт» neşiri tarapyndan 2004-nji ýyldan bäri her ýyl geçirilip gelinýän bu ses berlişige öňki SSSR-e degişli bolan 15 respublikadan birnäçe abraýly neşirler gatnaşýar. Bu ýylky ses berlişige GDA döwletlerinden jemi 45 neşir gatnaşdy, bize bolsa «Nesil» gazeti wekilçilik etdi.

Waroniniň GDA-da iň gowy futboçy diýip saýlanan bu ses berlişiginde, sanawyň 2-nji we 3-nji ornuny Zenidiň hem-de Rossiýanyň Milli ýygyndysynyň futbolçylary Aleksandr Keržakow hem-de Wýaçeslaw Malafeýew dagylar eýelediler. Sanawyň 4-nji ornuny Ukrainanyň Millli ýygyndysynyň ýarymgoragçysy Anatoliý Timoşuk («Bawariýa» Münhen), sanawyň 5-nji ornuny bolsa Rossiýanyň Milli ýygyndysynyň ýaş ýyldyzy Alan Dzagoýew («CSKA» Moskwa) eýeledi.

GDA-nyň iň güýçli futbolçylary diýlip saýlananlar:
2010ý - Aleksandr Keržakow (Rossiýa)
2009ý - Andreý Arşawin (Rossiýa)
2008ý - Andreý Arşawin (Rossiýa)
2007ý - Andreý Arşawin (Rossiýa)
2006ý - Igor Akinfeýew (Rossiýa)
2005ý - Andreý Şewçenko (Ukraina)
2004ý - Andreý Şewçenko (Ukraina)

Gyzyklanyp okanyňyz üçin sag boluň.

Haýsysyna ses bermekçi?

Andreý Şewçenko(9%, 1 adam)

Aleksandr Gleb(9%, 1 adam)

Andreý Arşawin(9%, 1 adam)

Igor Akinfeýew(0%, 0 adam)

Anatoliý Timoşuk(0%, 0 adam)

Wladimr Baýramow(27%, 3 adam)

Maksim Şatskih(0%, 0 adam)

Aleksandr Keržakow(18%, 2 adam)

Kaha Kaladze(9%, 1 adam)

Andreý Waronin(18%, 2 adam)