SEN hem MEN

Sen meniň kalbymda, men seň kalbyňda,
Diňe söýgi hakda gursakda aýdym.
Her urgusy “Söýgi” diýip ýaňlanýar,
Mähirden doly ol, şuglasy aýdyñ.

Sen meniň dünýämde, men seň dünýäňde,
Shaglap akýar möwjäp söýgi ummany.
Sowulmaz bahary söýgi bagynyň,
Nurly Güni çoýýar ýalňyz dünýämi.

Sen meniň duýgymda, men seň duýgyňda,
Her gezek oýlansaň, ýatlaýansyň sen.
Geçen her pursady siňdirip aňa,
Söýginiň ataşyn otlaýarsyň sen.

Sen meniň alnymda, men seň alnyňda,
Güneş kimin bakýaň maňa ýylgyryp.
Kyn işleri aňsat eder şol bakyş,
Gideris biz bir-birege gol berip.

Sen meniň özümde, men seň özüňde,
Senden aýra bolup, görjegim näme?!
Aýdym aýdyp ýüregmiziň şanyna,
Ikimize ýeter ýekeje nama!

Hazar Rejebow