Iň bolmanda girip okap gör, belki senem gatnaşmak islärsiň :)

Türkmenistanyň iň abraýly saýtlarynyň biri hasaplanýan, Türkmenistanlylaryň, Türkmenistanyň daşynda ýaşaýan türkmenleriň bir ýere üýşen ýeri bolan http://ertir.com saýtynyň Futbol federasiýasynyň (EFF) habar bermegine görä, ýakyn günlerde goňşy saýt bolan http://talyplar.com bilen futbol boýunça ýoldaşlyk duşuşygy geçiriler.

Bu duşuşygyň geçirilmekligi üçin http://talyplar.com saýtynyň futbol federasiýasynyň (TFF) ýolbaşçylarynyň EFF-nyň ýolbaşçylaryna ýüz tutandyklaryny, şondan soň bolsa federasiýalaryň arasynda ikitaraplaýyn gepleşikleriň geçirilendigini, geçirilen gepleşiklerden soň bolsa iki tarapa hem amatly wagtda futbol duşuşygynyň geçirilip bilinjekdigi barada ikitaraplaýyn ylalaşyga gelinendigini EFF öz habarynda belledi.

TFF-niň resmi wekili Mirasymyz agza: "Utulan göreşden doýmaz - diýipdirler. Şonuň üçin biz Ertir.comlylar bilen göreşi dowam etdirmekçi. Dogry, geçen duşuşykda garşydaşymyzdan asgyn gelipdik. Indi bolsa garşydaşymyzdan üstün çykarys diýen umyt bilen rewanş oýnuna çykmak isleýäris" diýip, FIFA-nyň resmi internet sahypasyna beren interwýusynda belläp geçdi.

EFF-niň wekili ChemicalMan agza bolsa: "Biz bu teklibi iki elläp goldadyk. Görşümiz ýaly şu günler bizde howa-da gowy, tüýs futbol oýnabermeli howa. Duşuşyga sabyrsyzlyk bilen garaşýas. Nesip bolsa garşydaşymyzdan utulmazlyk üçin elde barymyz ederis" diýip belläp geçdi.

Ýoldaşlyk duşuşygyň wagty häzirlikçe iki tarapa hem amatly wagt hökmünde öňümizdäki dynç güni (15.12.2012ý) öýlän sagat 14:00-15:00 töwereklerine bellenildi. Duşuşygyň göni ýaýlymda alnyp görkezilmegi üçin "Türkmenistan Sport" teleýaýlymy bilen hem gepleşikler geçirilýär. Eger geçirilýän gepleşikler öz netijesini berse, onda Siz duşuşygy mawy ekranlarda göni ýaýlymda görüp bilersiňiz.

Ýeri gelende belläsim gelýär, bu iki saýtyň futbol topary geçen ýyl hem ýaşyl meýdançalarda duşuşypdylar. Örän çekeleşikli geçen şol duşuşykda Ertir.comlylar garşydaşy Talyplar.comlylardan 12-6 hasap bilen üstün çykmagy başarypdylar.

Umuman, şu uzyn temamy gysgaçalap aýdamda dynç güni agzalar bolup futbol oýnamakçy bolýas:
Ertir.com - Talyplar.com
Garşydaşymyz Talyplar.com oýna eýýäm taýyn öýdýän. Duşuşyk üçin hany bizem bir jemelenşeliň-dä. Kimler gelmekçi bolsa şahsy habarlaşmam gije-gündiz Siziň hyzmatyňyzda. Futbol oýnamak isleýän agzalar öňümizdäki 24 sagadyň dowamynda şu temada ýa-da şahsy habarlaşmada habarlaşarlar diýip umyt edýän.

Ýaşasyn futbol, ýaşasyn dostluk!

Ýoldaşlyk duşuşygymyz haýsy stadionda oýnalyňaý?

Santiago Bernabeu(9%, 5 adam)

Nou Camp(5%, 3 adam)

Emirates Arena(3%, 2 adam)

San Siro(3%, 2 adam)

Allianz Arena(0%, 0 adam)

Wembley(1%, 1 adam)

Lužniki arena(3%, 2 adam)

Old Trafford(5%, 3 adam)

Stadio Delle Alpi(1%, 1 adam)

Köpetdag stadionyň ýanyndaky hoo öňküje futbol oýnaýan polýamyzam bolýalaý(64%, 35 adam)