Хекаят

Тәҗирлериң бири сөвдада мүң динар зыян чекипдир. Ол оглуна:

— Оглум, мениң зыян чекендигими хич киме айтмагын — дийип табшырыпдыр.

Онда оглы:

— Боляр, кака, эгер сиз буюрсаңыз хич киме айтмарын. Йөне муны гизлин сакламагың пейдасы нәме, мен шоңа дүшүнемок? — дийип сорапдыр.

Какасы оңа:

—Эгер айтсак, зыянымыз ики эссе болар. Бири байлыгымызың азалмагы, бейлекиси болса гоңшуларың, ягны душманларың шатланмагыдыр — дийип, җогап берипдир.

Сөйлеме гамыңы хергиз душмана,

Аяклары еңләп бушлар хер яна.