Gezekli bentler

Indiki temamyz: "Gitmek"
Define
Men gidäýsem senem gidip bilermiň,
Ýaýdançly pikirleň goýup bir gyra?
Dur gowusy, ýeke özüm giderin,
Gaýtam duz sepersiň göwün agyra.

Kozete
Darajyk ýodadan barýan agsaklap,
Göterip syrtymda geçmişiň ýükün.
Köstlerimi ahyr tapdyň sen gorjap,
Ýazgarman sessizje süýnüp giderin.

Define
Öňümdede bir umyt ýagtylar belki 
Kemçiligim bilen söýjegem çykar.
Ýöne sen yadymdan çykmaly ilki,
Bagtam bir gün belki gapymy kakar.

Kozete
Gitsemde, mynajat edip giderin,
Soňky gezek ýalbaryplar Hudaya.
Geljegime sary nazar dikerin
Kaýyl bolup bu ýazylan ykbala.