Ýüpüň hasaby

Bir baý ölümden we
gabyrdaky ýalňyzlykdan örän gorkýarmyş. Şonuň üçin-de, “Ölen gijäm kim gabra
girip, ertire çenli meniň ýanymda bolsa, mirasymyň ýarysyny şoňa bagyşlajak”
diýip wesýet edipdir. Ölen güni “Kim bu baý bilen bile gabra girip, bir gije
onuň ýanynda bolmak isleýär?” diýip jar çekdiripdirler. Hiç kim muňa ýürek edip
bilmändir. Ahyry bir hammal “Meniň diňe bir ýüpüm bar, ýitirjek başga zadym
ýok. Ertire çenli ýanynda bolsam, uly baý bolaryn” diýen pikir bilen, teklibi
kabul edýär. Ony ölen baý bilen birlikde jaýlaýarlar.

Sowal melekleri gelýär.
Görseler, gabyrda bir öli, bir-de diri bar. “Nähili hem bolsa öli elimizde...
Biz şu diriden başlalyň” diýip, hammaly sowala çekýärler. “Ol ýüp kimiňki?
Nireden aldyň? Näme üçin aldyň? Nähili aldyň? Nirelerde ulandyň?” Daňdana çenli
sorag-sowal dowam edýär, hammal hasabyny berip gutarmaýar. Ir bilen ony
gabyrdan çykarýarlar.

- Şerti ýerine ýetirdiň,
mirasyň ýarysy seniňki – diýýärler. Hammal ellerini daldaladyp, şeýle diýýär:

- Ýok, ýok, gerek däl.
Men daňdana çenli bir ýüpüň hasabyny berip bilmedim. Munça baýlygyň hasabyny
nähili bererin?