Modern gahrymanlar-2

Ynsanlaryň talaplaryna jogap bermek bilen bilelikde, esasanam soňky döwürde çekilen kinolarda supergahrymanlara düýpli esasly düşünjeler bilen bezeg berilip başlandy.
Öňki gahrymanlar diňeje ýamanlyk bilen ýagşylygyň söweşinde gowylyk tarapyny tutýadylar we adamlary her hili tebigy apatlardan we jenaýatlardan goraýadylar we diňe belli bir şäherde wezipe görýädiler. Bu gahrymanlar bolsa Matrixiň Neosy, Terminatoryň Johny umumy dünýäniň başynda görünýän sosiýal we ekonomik krizislerden umumy adamzady halas etjek bir “Mesih” ýalydyr. Elbetde bu kinolarda ekonomik we syýasy krizisleriň içinde duşman gönimel görkezilmän başga duşmanlar bilen suratlandyrýar, meselem UFOlar, Robotlar, ýada başga super adamlar, mutantlar, magiýaçylar. We ýene bir nygtap geçmeli ýeri, ilki supergahrymanlar ýeke özi Rambo ýaly bir goşyna garşy çykýardy. Soňky gahrymanlar bolsa bir toparyň başyny tutyp uly goşynlara garşy kiçi bir goşyn bolup söweşýär. Duşmanyň güýçli goşynynyň, tehnologiýasynyň garşysynda ejiz düşen ynsanlar birleşýär we “Mesih”e boýun egýärler. Çünki garşydaky duşman bilen ýekeje bir gahrymanyň hötdesinden gelip bilmejegi bir hakykat. Bu duşman köçelerde ogurlyk edýän kiçi bir mafiýa, ýada namyslara göz goýan bir iki sany aklyny ýitiren binamysam däl. Matrixdaky duşman durmuşyn her bir burçynda özüne ýer edinen we her köçede gözleri, elleri bolan Robotlaryň networkydyr we biziň ynanjymyzdaky syýasy geniý “Dejjal”a meňzeş taraplary bar. Internet ýaly mümkinçilikler bilen ynsanlar öňkü döwürlerdeki adamlardan has şahsy durmuş ýaşap başlady. Bu aslynda gowy zat, “süri” psihologiýasyndan çykylýar, adamzat ölen soň her kim özüne jogap bermeli, ýaşap ýören wagty şunyň parhyna barmagy begendiriji elbetde. Ýöne modern ynsanyň, şahsylaşmak bilen bilelikde ýaňlyzlaşmagy gowy däl. Ýaňlyzlaşmak, ynsan duýgylarynyň peselmegine we netijede gadyr bilmez, hormatsyz, söýgisiz biri bolmagyna eltmegi mümkin. Adamzat wyjdanyndan aýrylman, şahsy durmuşyny sosiýal durmuş bilen bilelikde ýaşamalydyr. Soňky supergahrymanlaryň topar bilen bile hereket etmeklikleri, Ewropanyň hem şu hakykatyň parhyna barandyklarynyň alamatydyr.
Matrixda Neo, başlangyçda wagtynyň köp bölegini öýünde kompýuteriň öňünde geçirýän biri. Gizlin bir jemgyýet bilen duşuşan soň, “ Sufizm”daky “seýr-i ruhany”ýa meňzeş özüni keşpetme ýoluna girýär. Bu ugurda ruhany mertebeleri geçen soň, wagtyň geçmegi bilen, sosiýal durmuşyň üýşip kangren bolup giden problemalarynyň çözgüdiniň özi ekenini öwrenýär. Bu ýolyň entäk başynda bir ussat oňa iki sany daş görkezip gara we gyzyl daşlardan birini saýlamagyny soraýar. Sufizmda hem edil şuňa meňzeş ýoluň başyndaky “müridiň” geçmeli ilki synagy gara we gyzyl iki renkden birini saýlamakdyr. Gyzyl renki saýlasaň yzyna gaýdyşy ýok bolan bir ýola girilýär. Matrixda Neo hem gyzyl renki saýlaýar. Bu kinonyň dowamynda Sufizm bilen meňzeşlikler entäk köp, ýöne hemmesini bärde agzap oturjak däl.
Temamyzyň nobatdaky dowamy Terminator filmi barada bolar...