Iki limon agajy

Iki limon agajy - Jüneýit Suawi,
türk ýazyjysy - hekaya Bir baý adamyň bagynda yhlas bilen
oturdylan iki limon agajy bardy. Bu
agaçlar baharda güllärdiler, çar ýana
müşk ysyny ýaýradardylar.
Adamlar gyşyň tamamlanandygyny
limonlardan bilip, tussag ýaly bolup oturan öýlerinden çykmagyň wagty­
nyň gelendigini aňardylar. Limon agaçlarynyň biri beýlekisine
garanda inçedi we şekilsizdi. Şonuň
üçin hem, uly agaç oňa göwnüýet­
mezçilik ederdi, häli-şindi kemsider­
di. Bagyň eýesi-de kiçi limon agajyn­
dan umydyny üzen ýalydy. Şol sebäp­ li agajyň ugruna seretjegem bolanok­
dy. Şeýle güne düşen ejizje limon aga­
jynyň gurap gitjekdigi gümansyzdy. Günleriň birinde güýçli ýel öwsüp,
garly daglaryň gerşindäki bir topar
gülüň tohumyny şol adamyň bagyna
tarap seçeläp goýberipdi. Emma her
tarapy başga güller bilen örtülip, di­
ňe limon agaçlarynyň eteginde ýer bardy. Tohumlar bu agaçlaryň ýany­
na gelip, eteginde gögermäge olar­
dan rugsat soradylar. Uly agaç ýüz-gözüni asyp: – Beýle zat asla mümkin däldir! – diý­
di. – Biz siz sebäpli gurap galmak islä­
mizok. Düýbümdäki suwy sorup, ma­
ňa zyýan ýetirjekdigiňiz görnüp dur
ahyry! Uly agaç aslynda başga zatdan çekin­
ýärdi. Güller reňbe-reň açylsalar, li­
mon agajynyň sarymtyl ak gülleri
öçügsilenip galjakdylar, onuň bag
eýesiniň ýanynda gadyry gaçjakdy.
Aslynda bu agajyň özünden owadan agaçlary sulhy almaýardy. Kiçi agaç uzyn boýly goňşusynyň
özüni alyp barşyny halamaýardy. Se­
bäbi ol özüne ömür bereniň ýaşaýyş
üçin suw berjegine-de oňat düşün­
ýärdi. Şonuň üçin hem, teşnelik hak­
daky pikir kellesine hem gelenokdy. Ol tohumlaryň haýyşyny kabul edip: – Siziň bilen bile bolmak meni bagtly
eder. Şeýlelikde, ýalňyzlyk derdini
çekmekden halas bolaryn – diýdi. Uly agajyň bu sözlere juda gahary
geldi. Ýöne kiçi agaç gözel ýaradylan
zatlardan hiç kime zelel ýetmeýändi­
gini aýdyp, onuň gaharly sözlerini
diňlemedi. Kiçi agajyň eteginde pyntyklan to­
humlar birnäçe günüň içinde jennet
gülleri ýaly açylyp, tutuş bagyň gözü­
niň garasyna öwrüldiler. Bu wagtyň
dowamynda agaç olara elinden geldi­
giçe ýardam bermäge çalşyp, gülle­ riň ýarym güneş, ýarym kölege ýeri
halaýandyklary sebäpli, özüniň köne
ýapraklaryny döküpdi. Güller onçakly köp wagt geçmänkä
özleriniň müşki-anbar yslaryny daş-
töwerege ýaýradyp ugradylar. Bag
eýesi hoşboý yslaryň nireden gelýän­
digini bilmekçi bolup, eýläk-beýläk
aýlananda, “çagyrylmadyk myhman­ laryň” üstünden baryp, juda geň gal­
dy. Ol diňe düýşde görüp boljak şol
gülleriň gözelliginden lezzet almak
üçin ukudan ir oýanyp ugrady. Gülle­
riň düýbüni yhlasly dyrmyklaýardy,
wagtly-wagtynda suwarýardy. Kiçi li­ mon agajy köküniň iň inçe damarla­
ryna çenli ýetýän suwy güller bilen bi­
le içip, gününi sanap ers-mers bolup
barýardy. Gülleri söýgi bilen gujaklan agaç ýu­
waş-ýuwaşdan şol töweregiň iň uly
agajyna öwrüldi. Biri-birinden owa­
danja kebelejikler onuň ýanyndan
aýrylanokdylar. Biraz soňra bolsa öz
güllerini açyp, bagyň gözelligine gö­ zellik goşdy. Beýleki limon agajy bolsa bir wagtlar
öz goňşusyna ýokardan göwnüýet­
mezçilik bilen bakandygy, gysganç­
lyk edendigi sebäpli assa-assadan
gurap barýardy.