AŞGAZANDA WE IÇEGELERDE ÝEL ÝYGNANMAGY

Gowy çeýnemän, garymgatym, birbirine we saglyk ýagdaýyna (tebigatyna)
laýyk gelmeýän, iýmit siňdiriş tamamlanmazdan iýlen ikinji nahar we naharyň
üstüne iýlen miwe aşgazanda çüýräp ýada fermentasiýa geçip (heňläp), ýel we
kislota döredýär. Ýönekeý wakalarda siňdirmezligi we ýellenmäniniň öňüne
geçmek üçin, naharlaryň arasy iň pesinden 6-8 sagat bolmalydyr. Irden aç
garna suw, gök önümmiwe suwy içmek, ýellendirmeýän miwe, gök önüm we
nahar iýmek, saglyk ýagdaýyna (tebigatyna) gabat gelmeýän iýmitleri terk
etmek zerurdyr.
Içindäki ýeli we uly täreti uzak wagtlap saklamak, içiň gatamagyna we
ir garramaga sebäp bolýar. Rahat ýel çykarmak we uly täreti sagdyn
görnüşde çykarmak üçin iň gowy pozisiýa çommalyp oturmakdyr. Çommalyp
oturmak aýratyn hem aňsatlyk bilen dogum amala aşyrmak üçin örän möhümdir. Öňler aýallar ähli işlerini çommalyp ýerine ýetirýän eken, çaga
doguran mahallary hem hiç hili mesele ýüze çykmaýan eken.
Doňdurylan miwelerde döreýän himiki üýtgeşme içegelerde öte ýellenmä
sebäp bolar. Tebigy guradylan miwe, sowadyjyda saklanan miweden has
saglyklydyr.
Ýellenme ýagdaýynyň öňüne geçýän we ýeli çykarýan güýçli dermanlar:
•Kimýon, anis, ukrop tohumy, kardamon, käkilik oty we zenjebil döwlüp,
aýryaýry ýada birlikde nahar üstüne döküler ýada çaý hökmünde ulanylar.
•2 hepdäniň dowamynda her gün irden 5 gr owradylan ýüzärlik tohumy
ýellenmäniniň öňüne geçer.
•30 gr hawlyjan we 30 gr zenjebil inçejik kesiler, 10 gr gwozdika goşular, bir
litr suwda 10 sagat garaşdyrylandan soňra 5 minutlap pes otda gaýnadylar,
sowandan soňra süzüler. Günde 2-3 gezek aç garna 3050 gr suw we bal
bilen içmek bolar. Bu usul 2 hepde dowam ediler.
Ýöne, saglyk ýagdaýyna (tebigatyna) laýyk gelmeýän, garymgatym, taýyn
we goşundyly nahar iýýänler, nahardan soňra miwe iýýänler we nahar
wagtlarynyň arasyny ýygy tutanlar hiç wagt ýellenmeden halas bolup
bilmezler.