TÄHÄRET

TÄHÄRET
Adam bedeniniň üstünde takmynan 700 biýologiki aktiw nokat (BAN) bardyr.
Bulardan 66 sanysy «Agresiýa nokady» hökmünde atlandyrylan ekstra aktiw
nokatlardyr. 66 sany agresiýa nokadynyň 61 sanysy tähäret agzalarynda
ýerleşendir. Tähäretde agzalar ýuwulýarka, BAN amala geçer, agresiýa nokatlary
sazlaşyk (balans) gazanar. Şu sebäpli tähäretdäki tertibi bozmazlyk zerurdyr.
Ýüz ýuwulýarka aşgazan, içegeler, öt haltasy, peşew ýollary, nerw ulgamy
we jynsy organlary;
Gollar ýuwulýarka içegeler, ýürek, öýkenler, jynsy organlary, peşew ýollary
we gan dolanşygy oýarylar.
Gulaklar, takmynan 100 BANyň ýerleşen we häli-häzir ähli organlar bile
gatnaşykda bolan bir dolandyryş merkezidir. Gulaklar mesh edilýän wagty ähli
organlar oýarylan bolar.
Aýaklar ýuwulýarka gormon deňagramlylygyny üpjün edýän (sazlaýan),
ulalma we öndürmegi gözegçilik astynda tutan gipofiz, böwrekler we häli-häzir
ähli organlaryň işlemegine täsir edýän BAN oýarylar.
Tähäretde akupunktur nokatlarynyň oýarylmagy bilen bedende energiýa we gan dolanyşygy aňsatlaşar, bedeniň garşylygy artar, immunitet ulgamy
güýçlener. Gyzgynlyk ýokary galanda sowuk suw bilen tähäret almak,
gyzgynlygy 1,52 derejä çenli peselder.
Tähäret gan basyşy peselder, kelle agyryny ýeňilleşdirer, ýadawlygy we
gahary gidirer. Sowuk suw ulanmak, tähäretiň we gusuluň peýdalaryny
köpelder. Ýöne öýken ýada bagyr hassasy bolanlar, agyr operasiýa geçirenler,
garrylar, iç geçme bolanlar üçin ýyly suw ulanmak has gowudyr.
Pygamberimiz sallallahu aleýhi wesellem sahabalaryna tähäret üçin ýyly suw
maslahat bererdi. Şu maslahat ýönekeý umumy halk üçin däl, sogan we
sarymsak iýmezlik wesýeti ýaly, ýokary magnawy mertebelere çykan we pes
ruh mertebelerine degişli ýykyjy we hroniki kesellerden halas bolanlar üçindir.
Her tähäretde miswak ulanmak örän möhümdir. («Miswak we agyz saglygy»
bölümine serediň!)