INJIR Ficus carcia

Hadysyşerifde: «Eger Jennetden gelen bir miwäni ýatlamaly bolsam,
injirdir diýerdim. Çünki jennetdäki miweleriň şänikleri ýokdur.
Gemerroý we gut (sowuklama) keseli bolanlar şu miwelerden iýsinler»
diýlipdir. Injir ähli miweleriň peýdalaryny içinde ýygnandyr. Ganyň
koagulýasiýasyny üpjün eder, goýy gany suwaldar, gakylyk goparar, ýaralary
gowulaşdyrar, içegeleri açar we boşadar, ähli kesellere şypadyr. Her gün irden
üzüm sirkesiniň içinde 8-10 sagat garaşan 3 sany gury injir iýýän, gyzgynlykly
kesellerden goranar, öt haltadan zyýan görmez. Her gün irden hakyky zeýtun
ýagynyň içine bir gije taşlanan 3 sany injir iýýän bagyr keselini görmez. Injir
bagyr, dalak, böwrek, siýdik halta dykylmalaryny açar. Içegeleri işledip, del
mikroplary çykarar, sagdyn mikroplary eker. Rak keseliniň öňüni alar.
Täze injiri ýuwman, gabygyny aýyrman, özüni bir nahar görnüşinde iýmek
zerurdyr. Ýuwmaga mejbur galynsa, ýuwandan soňra peýdaly mikroplar
köpeler ýaly, 3-4 sagat garaşdyrmaly. Hepdede 1-3 güni diňe injir iýmek bilen
geçirmek örän peýdalydyr.

●GWOZDIKA Caryophillus aromatticus
Gwozdika (karanfil, türkmençe myhak) ýürek, aşgazan, bagyr we gözi
kuwwatlandyrar, gemorroýy gidirer. Ysgalsa uky getirer, çeýnelse agyz we
beden ysyny gowulaşdyrar, agyz ýaralaryna, diş etiniň kesellerine we iriňlemä
gowy peýda eder. Islege görä, nahar ýada süýjilere (aşure, zerde, süýtlaş we
şm) çaý, kofe, şerbet we warenýelere goşulyp ulanylar.
●
KÄKILIK OTY Tyhmus vulgaris
Käkilik oty peşew ýollary kesellerine garşy öran peýdalydyr. Böwrek
daşlaryny böler we düşürer. Iýmit siňdirişi aňsatlaşdyryp, iýmit siňdiriş
organlaryny dizinfeksiýa eder, hatda H. Pylori we Candidadan gorar, çişmäni
guradar, aşgazany, gözi we ýüregi kuwwatlandyrar. Gasyk agyrylaryny aýyrar,
işdäni açar. Naharlarda dowamly käkilik otuny ulanmak görme güýjüni gorar
we artdyrar.
Käkilik otunyň çaýy der we agyz ysyny gidirer, ukusyzlyga, fiziki we ruhy
ýadawlyga gowy peýda eder. Epilepsiýa, anemiýa we impotensiýa garşy
täsirlidir. Içege gurtlaryny (gurçuklaryny) düşürer.
Käkilik otunyň ýagy kellä çalynsa, kelle agyra, garyna çalynsa, garyn agyrylaryna we aşgazan kramplaryna, döşe we arka çalynsa, astma, bronhit,
gökbogma we üsgülewige gowy peýda eder.
● 30 gr täze käkilik oty maýdajyk dogralar we 200 gr zeýtun ýagy bilen
garyşdyrylyp, 7 gün saklanar. Soňra ýagy süzülip sous, içdäaçar we şm.
üçin ulanylar, agyrýan ýerlere çalynar.
● Käkilik otunyň tohumlary gowrular we owradylyp, bir mata bilen
gemorroýyň üstüne goýulsa, gemorroý kiçelip, ýok bolar. Tohumy
tapylmasa, ýabany käkilik oty hem şol bir amal üçin ulanylyp bilner.
Ýabany käkilik oty medeni käkilik otundan has täsirlidir.