Ýigitler .Mätäji
- Men diýem, müminler, remezan mahy,
- Galandyr serimiz galla ýigitler.
- Gelgende kapyryň soldady, şahy,
- Düzdüler şemşire, güllä ýigitler.
- Ruzy sişenbede guruldy bazy,
- Doldurdy dünýäni myltygyň sazy,
- Kimi şehit boldy, kimseler gazy,
- Murgy behişt boldy Alla ýigitler.
- Ganym aldy galamyzyň daşyny,
- Sebäp bilen syndy agyr goşuny,
- Gaýrat edip, bisünniniň läşini,
- Ýetgirdi her biri ellä ýigitler.
- Ejizlermiz aglaşdylar elenip,
- Gan ýuwtuldy efgan ablar bulanyp,
- Puşman etdi gitdi, ketin, keýin dolanyp,
- Eýlemedik biz töwella ýigitler.
- Gan görüldi batyrlaryň gözünden,
- Gün tutuldy at dilinden tozundan,
- Alp ýürekli aýrylmady yzyndan,
- Ýetirginçä baryp pellä ýigitler.
- Namart ogly görünmedi ýer kimin,
- Ärden dogan arlap galdy şir kimin,
- Söweş güni çille mesi ner kimin,
- Dürli duman geldi kellä ýigitler.
- Danyşaýyn näme gelse dahana,
- Arkaç aglar aýny düşse pygana,
- Mätäji diýr, şükür kylyň Subhana,
- Bizge nusrat berdi Alla ýigitler.
Состояние архива
● Полный текст
● Сохранено комментариев: 6/6
Опубликовано на сайте: ertir.com · Источник: копия Web Archive — ertir.com, 24 мая 2012 · Открыть оригинал ↗
Комментарии 6
sorag berdin son jogap yazdyn indem aglayan.
jogap yazan yogaa
menä jogaplap oturmana ýaltanýan senki bilen ylalasyp goýberjek. :-)