Temalar we teswirçiler

Men assosiýasiýalary halaýan we ertir.com-daky ýazgylarymyzy (gürrüňlerimizi) şeýle göz-öňüme getirýän.

Bir awtor (göz-öňüňize getiriň) nahar bişirýä (tema açýa), soňundan myhmanlara garaşýa (okyjylara we teswirçilere).
Olary özüm üçin bäş bölege böldüm:

Birinjileri öýe myhman bolýalar, ýöne olar kän aç däl, şonuň üçin öýüň içine seredişdirýälerde çykyp gidýäler (tema kän özüne çekmedi ýa-da bu tema gyzyklandyranok).

Ikinjileri girýär, olar bolsa oturyp nahar iýýäler, bişirilen nahary öwýäler, öýüň interýeri gyzyklandyrýar we öý eýesi bilen naharyň resepti barada we bişirilişiň usuly hakda gürrüň açýalar (temanyň esasy manysy barada teswir ýazýalar we obsuždat' edýäler).

Üçünjilerine bolsa ýa nahar göwünlerine ýaranok ýa-da öýüň eýesi, şonuň üçin çekinmän arkaýyn diýjeklerini diýýäler, arasynda diline geleninem aýdaýýalar. Käbirleri bolsa bu naharyň aslynda düýbünden başgaça bişirilýänini aýdýalar (temanyň özi barada kritikowat', opponirowat' edýäler) ýa bolmasa öýüň eýesine nahar bişirmek tejribesiniň ýokdygyny aýdýarlar (awtoryň tema açyşy hakynda).

Dördünjiler bar, olar nahar iýip bolansoňam deserte galýalar, tortjagaz bilen çaý-kofeniň başynda gyzyklyja gürrüňler edip oturaýýalar (köplenç tema hakynda-da ýazanoklar). Olar üçin bu öýde oturmak komfortno hemem öý eýesi bilen biraz gybatam eden bolýalar (ýeňiljek şutkalar we fludlar) 🙂

Bäşinjiler, bular özbaşdak aýratyn kategoriýa. Bular hiç-haçanam nahar barada öz pikirlerini aýtmazlar (kän tema barada hiç teswir ýazmaýalar). Olar bu öýden çykyp başga biriniň öýüne myhman bolup, komnatlara (pikirlere) aýlanyşyp, şo boluşlarynada gerekmejek, biderek, gahar getiriji soraglar berip ýa-da diýip, beýleki oturan myhmanlarada diskomfort döredýäler (gazaply fludlar diýseňem boljak, pikirlerdäki hapa sözler).

Meniň özüm awtor hökmünde ikinji we dördünji kategoriýalary goldaýan. Myhman bolup gelenlerine görä begenýän we gowja düzülen kritikalaryny göz-öňüme tutup birinji bilen üçünji kategoriýalara çydasada bolar. Ýöne, ynha bäşinji kategoriýa öýde bitertip döredýändikleri üçin we bimaza edýändikleri üçin banlanaýýalaram. 🙂
 
Nahar iýmäge geliň 🙂

Siz haýsy kategoriýa degişli?

Birinji(9%, 2 adam)

Ikinji(27%, 6 adam)

Üçünji(4%, 1 adam)

Dördünji(13%, 3 adam)

Bäşinji(27%, 6 adam)

Taze kategoriýa (özüm ýazjak)(18%, 4 adam)