VeriCake - önümçilik dolandyryşy
Salawmaleýkim hormatly agzalar!
Bu gün täze bir proýekt bilen tanyşdyrmakçy. Belki araňyzda gyzyklanýanlar bardyr.
VeriCake - önümçilik dolandyryşy. Meselem tort bişirýänler, çörek bişirýänler, naharhanalar, kafeler we ş.m ýerlerde ulanyp boljak systema. Häzirki wagtda Aşgabatda 13 sany tort bişirýän ýerlerde ulanylýar.
Programma web şeklinde ýasalyp, islendik kompýuter, islendik telefon, islendik tabletde ulanylyp biliner. Ýörite iPad üçin optimize edilen we ulanmak ýeňil.
VeriCake 4 bölege bölünýär: Ammar, Taýýarlaýjy, Satyjy we başlyk üçin.
Ammar - ähli önümleriň girişini, çykyşyny, satyn alynan ýerini, bahasyny we ş.m maglumatlary dolandyrýar. Häzirki wagtda ammarda bar önümleri, ammardan haçan we kim tarapdan önüm alynandygyny dolandyrýanlaryň görip bilmek mümkinçiligi bar. Ýene-de ähli satyn alynýan önümler hakynda statistika alynyp bilinýär. Mysal üçin şekeri iň arzan alan ýerim, iň gymmat alan ýerim, haýsy ýerlerden alanym, haýsy ýerden iň kän alýanym we ş.m reportlary göni print etmek mümkinçiligi hem bar.
Taýýarlaýjy - ähli bişirilýän önümler, tortlar, naharlar we ş.m önümler dolandyrylýar. Her günlik bişen önümler girizilýär we satlyga çykarylýar. Haýsy önümden, haýsy günleriň köp bişýändigi, ýa-da geçen aý "Наполеон" tortyň näçe sanagyny satylandygyny hasaplaýar. Ýene-de ýörite edilen aýratynlyk, ol hem tortlaryň bölünip bilmegi. Mysal üçin bir tort bölekleýin hem-de bütinligine satylyp biliner. Bölünen wagty her bölek üçin baha bellenilip biliner. Bölünip, satylman galan tortlaryň hasaby ýöredilýär.
Satyjy - bu hem öz içinde 2-ä bölünýär. Birinjisi kafe müşderileri hem-de zakazlar ýa-da göni satyş. Mysal üçin göni satyşda, edil şolwagt satyn alynan zatlary girizýär we ýapýar. Kafe gelen müşderi bilen bolsa, başda alan zatlaryny, soň alan zatlary, arada sargan zatlaryny ählisini girizip bilýär we iň ahyrynda ýapýar we satyn alynan zatlaryň spisogy bilen çek çykarýar. Ýokarda agzan kafelerimde termoprint ulandyk. Termoprint aýratynlygy hiçhili kadrij gerek däl, diňe çykarmak üçin kagyz ýeterlikli...
Ýene-de klientler hakynda maglumatlary saklap bolýar. Eger siziň belli müşderiňiz bolsa, onda olaryň satyn alan zatlaryny yzarlap bilersiňiz. Haýsy aý näçe söwda edendigi, soňky satyn alan zatlary, tölenendigi ýa-da bergä ýazylandygy ählisi düşnükli.
Başga aýratynlyklaryndan, häzirlikçe 3 dilde bar. Iňlisçe, orsça we elbetde türkmençe. Türkmenlerimize gerek bolaýjak, "belle" aýratynlygy hem ýatdan çykarmadyk. Belläp zat satyn alyp bilersiňiz hemem satyp hem bilersiňiz. Edil häzirki wagtda manatda we dollarda hasaplary ýöredýär. Ýene-de aýdyp geçesim gelýän zat tort bişirýän gyzlaryň kompýuter bilen kän arasy gowy bolmandygy üçin, ähli zat iň ýönekeý şekilde ýasalan. Ähli zat türkmençe, önümleriň adyny ýazmak hem gerek däl, "A" harpyny basanyňdan şoňa degişli önümler çykýar, klient atlary hem şeýle... Ýene-de herkimiň öz görýän zady bar. Ammarçynyň satyjy bilen işi ýok we diňe özüne degişli funksiýalary görip bilýär, satyjynyň hem ammar bilen işi ýok. Diňe taýýar önümleri görýär we olary satyp bilýär.
Başlyklar üçin bolsa, şu alynýan maglumatlardan berip boljak reportlaryň ählisi taýýarlanan. Günlik, hepdelik, ýyllyk, aýlyk, 10 günlik islendik döwür boýunça, reportlary alyp bolýar. Şu aý önüm almak üçin çykdajysyny, bişirip satan önümlerinden girdejisini, geçmän galan tortlarynyň spisogy, iň kän satylýan tortlary, iň gowy klientleri, kime bergileri bar, kimden algylary bar, edil häzir ammarda näçe halta un ýatyr ählisini görip bilýär...
Aşagyna çenli okanyňyz üçin minnetdar.
Gyzykly bolandyr diýen umyt bilen.
Состояние архива
● Полный текст
● Сохранено комментариев: 37/37
Опубликовано на сайте: ertir.com · Источник: копия Web Archive — ertir.com, 10 мая 2012 · Открыть оригинал ↗
Комментарии 37
Bu programaň LOGO-dan ýa beýleki programmalardan näme tapawudy bar? 600USD-bahasyna işgäre öwretmek hem giýärmi? Şol bahany töläniňden soň hem başga hyzmat tölegleri barmy? Bahaňyz beýlekiler bilen bäsleşip biljekmi?
Tüweleme, köpe ýarasyn 🙂
fakiir, başga hyzmat tölegi ýok. ählisi şoň içinde.
LOGO-nyň bahasy näçe häzir tmda? 300$ öýdýän ýalňyşmasam? LOGO ýaly programmany ulanmak kyn. Programmany ulanmak üçin, 3 aýlap kursa gatnap hem hiçzat düşünmän gaýdýanlar bar. Biziňkide beýle ýagdaý bolmajakdygyny, anyk bilýän.
Wao, tuveleme. Agajan, indi bu zatlary tehnologiya bilen dushunishmeyanirak men uchinem bir sadarak dilde dushundirip goyberay? Bu internet bolmayandada dine kompyuterin ozunde ishleyan zatmy? Menem tort bishirip, satuwa goyup bilyanmi?
ýok Bibijan, düşünmänsiň 🙂
Bu programmany görip tort bişirip başlamak gerek däl 😆
Diňe öň tort bişirýän bolsaňyz, şoň hasap-hesiplerini ýöredip bilýäňiz. 🙂
Hmm...shondada dushunmedim. Dushunyanirak birinden adam dilinde gowy edip dushundirmegini hayysh ederinda 😆
bu tort satysh programmany tortchylar ulansa nacherek peyda getirerka Agajan?
Peýdany ölçäp bolmaýşy ýaly, muny hem ölçäp bolanokda.Işlerini aňsatlaşdyrjakdygyna bilýän. Herkim mundan birhili peýdalanar.
peydany hasaplap bolarmyka diyyan takmynan.
meselem nähili?
bir maşyn çykarýan kompaniýa, çykaran maşynynyň peýdalaryny aýdyp biler, oňarýan zatlaryny aýdyp biler. Gaty gidýänligini aýdyp biler, tormozynyň gowydgyny aýdyp biler, az benzin iýýänini aýdyp biler.
Ýöne meň üçin gaty gitmek nähili peýdadygyny bilmez. Belki men ýuwaş sürmegi halaýandyryn. Ýa-da tormozda hem şoň ýaly, biziň ýurdumyzda benziniň arzandygyny hem bilmez, kän iýsede problemma däldigini bilmez. Her bir edilýän işiň, herkime nähili peýda getirjekdigini anyklamak gaty kyn iş. Ol hem doly başardar öýdemok.
Şonyň üçin umumy alyp, işleri aňsatlaşdyrýar diýip bileris.
yok mashyn bilen dal. mslm shu programmany ulanmasan name bolyar, detally analiz etmek yaly. shu programmany ulansan ishgar az gerek bolyar. shu tipde diyyan. shol peydasyny umumy dalde detally aytsan mushdera has tasir edyarmika diyyan. gaty inche ish yone. yone tasirem uly.
türkmentalyp, bu zatlary tort bişirýänleriň özi gowy bilýär.
eger seniň hem işiň tort bişirmek bolsa, onda hakykatdan hem bilerdiň. Nämä peýdasynyň degjegine...
Mysal üçin, report diýilýän zady hiçhili kagyzda bellenilýän wagty çykarmak mümkin däl. Bir algy bergi depderiň bolardy, kimden näme haçan alynan we öňküleriň üsti çyzylan. Soň men baryp, näçe bergim bar diýsem, haçan aldyň diýip sorardyň, soň geçen aý diýsem, geçen aýda alan zatlarymy list geçirip geçirip taparsyň we aralaryndan gözlärsiň, soň hemmesini tutup goşarsyň, soňundanam 200 müň manat bergiň bar diýersiň. Bu işi etmek iň azyndan 10 minudyňy alýar, eger haçan alanyny toçno bilmese.
Häzir skladda, nämeleriň bardygyny bilmek üçin, girip görersiň. Eger girip görerden kyn bolsada, ondan has kyny bar. Skladçylaryň depderlerini gördüňmi? 2 sany aýry aýry bar, giren towarlar we çykan towarlar. Indi giren towarlarda unuň iň soňky gezek haçan girendigini taparsyň, olam geçen hepde bolsa, bir hepdäniň içinde çykarylan towarlaryň arasynda uny gözlärsiň, 4-nji gün 10 kg, 5-nji gün 7 kg we ş.m hersini goşarsyň bulam ýene-de 10 minut.
Ýene-de ýönekeýje mesele, geçen aý bir tortdan näçesini satanyňy we öňki aý bilen deňeşdireniňde ösüş bardygyny bilip bilersiňmi? Bilersiň, bilip bolmajak zat ýok. Ýöne 1 günläp otyryp we kimiň şol torty alandygyny spisogyň içinden tapyp billäp.
......
näçe dowam etseň, edip otyrmaly. Bu zatlary içinde bolmasaň, daşynda otyryp bilip bolmaýar.
ok Agajan. aslynda bu programmany asyl doredenlerin ichinde tortchylaram bardyr. sebabi tortchylaryn yagdayyn bilman bu programma doremeyar. dine bir san gornushinde peydalary aydylsa has tasirli bolyar diyjek boldum.
elbetde. Bizem otyryp-otyryp tortçylara programma ýasalylaý diýip başlamzok. 🙂))
Malades. Başga welayatlara gelip gurnap beryänizmi?
Name üçin VeriLoft yada VeriCake. Türkmen dilin goysanyz gowy bolmayadymy atlaryny.