Şygyr bilen beýan edilen rowaýat

Şemiň ýagtysyna kitap okaýar
Ýetmiş ýaşan molla ukudan galyp
Bir ýerine ýetende saklandy birden
Täzeden okady pikire dolup

“Ýüzi kiçi, uzyn sakal adamlar
Samsyk bolýar”- diýip ýazylan onda
Molla diýen “Meňem ýüzüm kiçijek
Üstesine uzyn sakal bar mende”

Bir eline alyp bölejik aýna
Bir eline bolsa şemini aldy
Synlady ýüzüni ýene sakalyn
Gijäň ýarymynda başagaý boldy

Aýnany daş tutsa görnenok ýüzi
Şemi daşlaşdyrsa ýetenok ýagty
Birdenem ot düşdi uzyn sakala
Şemli eli ýüze golaýlan wagty

Kitabyň gyrasyna ýazanmyş molla
“Şunda ýazylanlaň dürs eken bary
Iş ýüzünde barlap gördüm men muny
Söze ynanmadyk köp çeker zary”

Molla ýoldaş bolup bir çopan bile
Toýa ugranmyşlar, uzak bir oba
Gürrüň bilen ýoluň ýaryn geçende
Gabat gelenmişler bol suwly ýaba

Sowukdan gyrpawlap duranmyş suwy
Golaýda köprüsi görnenok onuň
Çopan diýen “Nädip geçerkäk mundan
Mollam özüň bir alajyn gör munuň”

Molla oýnamakçy bolup çopany
Diýenmiş “Şumy sen gaýgedýän zadyň
Üç gezek kulhollaň okada içden
Geçiber arkaýyn saklaman badyň”

Çopan ýüreginden ynanyp muňa
Kulhollan üç gezek okanmiş ýatdan
Onsoňam yöränmiş suwuň üstünden
Aýagna öl degmän geçenmiş ýapdan

Diýenmiş bu waka geň galyp çopan
“Nämä dursuň mollam geçewer bäri
Toýa sary ýoly edeli dowam”
Molla bolsa otyr dyrmalap ýeri

Çopan diýenmişin “Bolawer mollam”
Molla bolsa ýapdan geçmäge derek
Diýenmiş çopana naýynjar bakyp
“Hany seňki ýaly arassa ýürek.”

Gowagyndan çykanmyşyn aždarha
Bir daýhanyň melleginiň ýanyndan
Muny görüp dili tutulan daýhan
Gorkusyna el üzenmiş janyndan

Aždarha diýenmiş gorkma gel bäri
Gepleşeli seniň bilen bir zady
Şu gowakda hazynany saklaýan
Nije ýyldyr undup ýakyny ýady

Günde bir okara süýt berseň maňa
Bir teňňe bereňin süýdüňi içip
Daýhan razylygyn bildiren oňa
Ondan bäri aý yzyna aý geçip

Bir günem kesele uçranmyş daýhan
Bu syry aýtmaly bolupdyr ogla
Goja gürrüň beren aždarha hakda
Muny eşden ogly düşüpdir dowla

Bir okara süýdi alyp ugranmyş
Hazyna saklaýan aždarha sary
Aždarha süýt içip berende teňňe
Ýitelen ýigidiň gözüniň nury

Beýdip alyp ýörmän günde bir-birden
Diýenmişin men bilýärin nätmäni
Ertesi süýt içip öwrülse yza
Ýigit aždarhadan salan kätmeni

Guýrugnyň ýolnanyn görüp aždarha
Yzyna öwrülip ýigidi çakypdyr
Bu wakadan sanlyja gün geçensoň
Daýhanam gutulyp işe çykypdyr

Diýenmiş dostlugy edeli dowam
Aždarha diýenmiş dostluk bolarmy
Näçe garaşsagam bitmez guýrugym
Ýa direlip seniň ogluň gelermi

Şa şygyr ýazanmyş ukudan galyp
Hyzmatkäre buýruk beren daň bilen
“Köşgüň şahyryna tiz habar beriň
Goý goşgy okaşsyn gelip meň bilen”

Köşk şahyry gelen, hyzmata gaýym
“Lepbeý şahym, çagyrypsyň geldik biz”
Dört topbak şygyry öňüne oklap
Şa diýen “Okada jogabyn ber tiz”

Ne-hä kapyýa bar, ne-de deň bogun
Üýtgeşik pikir ýok, üýtgeşik many
Bu zatlary görüp, şadan gorkudan
Şahyryň ýüzünde galmady gany

Şa diýen “Aýdyber seni diňleýän”
Şahyr başlan wagty kem ýerin aýdyp
Şa elin galdyryp saklanmyş ony
“Sen beýle sözleri diýmersiň gaýdyp”

“At ýatakda ýatsyn bir gije porsap
Eltiňde şol ýere gabaň siz muny”
Diýip buýruk beren hyzmatkärine
“Aklyna aýlanar çykarar many”

Şondan üç aý geçdi, şa ýene bir gün
Gije ýatman täze şygyr döretdi
Ir-säher şahyry çagyryp ýene
“Şunam bir okap gör”- diýip seretdi

Şahyr şygry okap goýdy-da ýerde
Sesini çykarman daşary ýördi
“Nirä barýaň”- diýen soragna şanyň
“At ýataga”- diýip jogabyn berdi

👏👏👏DOST DOWAMY GELSIN!!!👏👏👏

nice👍

Gardash bolsa yenede yazyp goyberersingda