Tähranda surat alan türkmen studenti 21 ýyl aldy
Eýran häkimiýetleri ýaşrynlykda
sud edilen türkmen raýatyny 26
aý bäri türmede saklaýarlar. Eýran
oppozisiýasynyňKaleme.com
internet saýtynyň ýazmagyna
görä, Türkmenistanyň raýaty
Çarymuhammet Myradow 21 ýyl
türme tussaglygyna höküm
edilipdir. Oňa ýüklenen esasy
günäleriň biri 2009-njy ýylyň
prezident saýlawlaryndan soň
Tähranda bolan protestleri surata
düşürmek we wideo ýazgy
etmek bilen bagly.
Düýbi Parižde ýerleşýän Serhetsiz
reportýorlar guramasy hem
türkmen raýatynyň Tähranda
hökümete garşy guralan
protestleri surata düşüreni üçin
tussag edilendigini tassyk edýär.
Bu guramanyň Ýewropa we
Merkezi Aziýa bölüminiň başlygy
Ýohan Bir 26 aý bäri Ewin
türmesinde oturan Myradow
barada bir hepde gowrak
mundan öň maglumat
alandyklaryny we soň bu habary
Eýrandaky başga çeşmeler arkaly
barlandyklaryny gürrüň berdi.
Ýohan Biriň öz çeşmelerine
salgylanyp tassyklamagyna görä,
Çarymuhammet Myradow 21 ýyl
türme tussaglygyna höküm
edilip, öz düşen ýagdaýy barada
ýakyn garyndaşlary bilen hem
habarlaşyp bilmän otyr.
Kaleme.com Myradowyň sud
diňlenişiginiň bikanun,
ýaşrynlykda geçirilendigini habar
berýär we eýran metbugatynyň
daşary ýurtly tussaglar
meselesinde esasy ünsüni
içalyçylykda aýyplanan amerikan
tussaglaryna gönükdirendigini
belleýär. Mälim bolşy ýaly, yrak-
eýran serhetinde tutulyp, 8 ýyl
tussaglyga höküm edilen iki
amerikan golaýda azat edilipdi.
Eýranyň oppozisiýa saýtynyň
ýazmagyna görä, Çarymuhammet
Myradow awtobusda öz halaşýan
gyzy bilen barýarka Tähranyň
köçelerinde bolan protestleriň
birine şaýat bolýar we, beýleki
adamlaryň hem köpüsiniň edişi
ýaly, protestçileriň birnäçe
suratyny alýar we wideo
düşürýär. Eýranyň Aňtaw
ministrliginiň agentleri soň bu
suratlary we wideoýazgylary
Myradowy “içalyçylykda” hem
režime garşy “propagandada”
aýyplamak üçin bahana
edinipdirler. Ol şu iki aýyplama
esasynda 10 ýyl tussaglyga
höküm edilipdir. Mundan başga,
Myradowa “bir türkmen
biznesmeni bilen hemşerilik” etdi
diýibem 10 ýyl berlipdir. Ol şol
diýilýän türkmen biznesmenine
birnäçe gün terjimeçilik edipdir.
Ahyrynda Myradowyň türme
tussaglygy jemi 21 ýyla
ýetirilipdir.
Diplomatik tagallalar şowsuz
Azatlyk Radiosynyň Eýranyň
Daşary işler ministrligine telefon
edip, Çarymuhammet Myradow
barada Eýran metbugatynda
çykan habar bilen bagly
düşündiriş almak üçin
synanyşygy netije bermedi.
“Kaleme” saýtynyň ýazmagyna
görä, Myradow Tährandaky Ewin
türmesiniň 350-nji umumy
böleginde saklanýar. Onuň sud
diňlenişigini gaýtadan getirtjek
bolup eden tagallalary,
Tährandaky türkmen ilçisiniň
aladalary hiç bir netije bermändir.
Tährandaky türkmen ilçihanasy
bu habar barada Azatlyk
Radiosynyň diňleýjilerine
düşündiriş bermekden saklandy.
Türkmenistanda geçirilýän günä
geçişliklerde, beýleki daşary ýurt
raýatlary bilen bilelikde, eýranly
tussaglaryň hem azatlyga
çykarylýany habar berilýär. Emma
Türkmenistanda Eýran ýaly
daşary ýurtlarda tussag edilýän
türkmen raýatlary barada
statistika çap edilmeýär. Ýöne
2003-nji ýylyň sentýabrynda şol
wagtky prezident Saparmyrat
Nyýazowyň Eýranda tussaglykda
saklanýan aýallar barada aýdan
sözleri Eýranda türmä düşýän
türkmenleriň az däldiginiň resmi
tassyknamasy bolupdy. Ol şonda
aýallaryň neşe söwdasy üçin
tutulýandygyny aýdyp, şeýle
diýipdi: “O taýda, iň erbet ýeri,
köp aýallar bar. Näme getirýärler?
Oňňun ana, 5 kilo tirýek, 600
gram geroin.”
Emma Myradow Eýranda syýasy
sebäpler esasynda tussag edilen
ilkinji bilinýän türkmen raýaty
bolup görünýär. 1976-njy ýylda
doglan Çarymuhammet Myradow
Tähran uniwersitetinde syýasat
ylmy ugrundan ýokary bilim
alypdyr. Ol Eýranda terjimeçi
bolup işlemek bilen,
Türkmenistanyň we Eýranyň
bilim ministrlikleriniň beren
stipendiýasy esasynda, Eýranyň
Daşary işler ministrliginiň Halkara
gatnaşyklary kollejinde
diplomatiýa we halkara
guramalary ugrundan magistr
derejesini almak üçin okaýan
eken.
Состояние архива
● Полный текст
● Сохранено комментариев: 31/31
Опубликовано на сайте: ertir.com · Источник: копия Web Archive — ertir.com, 24 мая 2012 · Открыть оригинал ↗
Комментарии 31
okap yoreni yoen eyrden tutmayarlar. Bu yetrde gelip sowda satyk edip yoren hem,okap yoren hem,yashap yoren hem kop. Eyranyn tutulan agentleri hem bardyr. Eger olar hem bashga yerde kanuna ters gelyan hereket edebn bolsalar hokman jeza beryandirler. Eyrandaky sistemada yone gezip yoreni tutmak diyen kanun yok. Chary Tahran uniwersitetinde in az 6 yyl okandyr. 1976 doglan bolsa 35 yashynda bolyar. Ol eger 35 yashyna chenli okan bolsa,name uchin on degilmandir?
Men bu yerde yagny yazylan makalada dushunishmezliler bar diydim. Charynyn gatnashan turkmen biznesmeni kim? Name ish edipdirler? Dushnuksiz zatlar kop. Men ne Eyranyn tarapyny chalyan ne-de Turkmenistanyn. Dine dushunizshmezlik hakda yazyan.
Ol hem beylekilerin surat alshy yaly alandyrda gelneje. Mysal ucin menem dashary yurtda gezip yorkam bir uytgeshik zat gorsem alyan. Olam shona menzesh edendirda. Yone menin gen galyan zadym: Ilcihana goshulypdyr, goybertjek bolupdyr, yone etmandirler. O nahili TM Ilcihanasyny Eyran dinlemedi? Diymek barde bashga zatlar bar. Syyasy sowda - diyilyar.
Eger ilcihanada ishleyan bolsa, diplomatik imuniteti yok bolsa, yone Ilcihanan buyrugyny yerine yetiren bolsa, onda hic zat hasal etmeya, dine TM-de tutulanlary Eyrana gecirmeli bolar. 2007-de Eyranyn ilcihanasyna degishli mashyndan yaragmy namemi shona menzesh zatlar tapyldy, shondan tutulanlar bardyr...
Turkmenistan/iran: Weapons Found Hidden In Iranian Embassy Shipment
Origin Embassy Ashgabat (Turkmenistan)
Cable time Fri, 13 Feb 2009 12:59 UTC
A Turkmen customs official told an Embassy LES on February 13 that an Iranian Embassy diplomatic container with AK-47's, sniper rifles and ammunition hidden in it had been discovered one week earlier at the Serdar Uli (Gaudan) customs point in Ashgabat, where vehicles and containers arriving from or bound for Iran are inspected. The weapons were reportedly hidden underneath two Turkmen carpets that the Iranian Embassy was shipping to Iran.
Yokarky waka 2009-da bolan, wagty hem Fewral.
Ol oglanyn tutulan wagty: 2009, wagty hem iyun.
Bardaki gelip cykyan logika: Siz bizinkini goyberin, bizem sizinkini....
Yok yok beyle dal. Ilchihananyn beyleki ishgarleri arkayyn gezip yor-a bu yerde. Hat-da Turkmenistanly studentler hem bar. BU yerde namede bolsa bashga bir Gunbataryn goshulmasy yaly bir zatlar bardyr. Turkmen biznesmeni hem Gunbatardan gelenlerin biridir. Bu hem elbetde chaklama. Yone surat almak dal. 2009 yylyn iyun ayynda Prezident saylawyndan son 2-3 aya golay Tahran kocheleri bulashdy. Shonda gaty kop Gunbatar ichalylary Amerkaly,Ysrayyly,Angliyaly jurnalist sypatyna girenler kopeldi we tutuldy. Ewin turmesine basyldy. Chary hem sholaryn arasynda tutulypdyr. Eyran dowleti hem dashary yurt rayatlaryna Tahranyn urush bolyan kochelerinde gorunmezligi we surat video almazlygy hayysh etdi. Ine gurrun nirede? hemme ilchihanalar,yokary okuw jaylaryna duydurysh edilyarde name uchin Chary shol yerde surat we video alyar. Kimin tabshyrygy bilen?
Turkmenistanyn ilcihanasy goybertjek bolan bolsa, kimin tabshyrygy bilen bolup biler sizin pikirinizce? TM ilcihana bular yaly zatlara ansat-ansat goshulmaya. Yone imenno shu yerde goshulypdyr, name ucin?
dogry👏
Ony bilmedim.Olaryn ozunden soraymasanyz?! Yone gaty gynandym. Ne gozel yash oglan 21 yylyny turmede gechirmeli bolsa ,omrunin in gozel wagtyny biderek gechirdigi bolyar.
Bala! Men yokardaky Azathabarsahypasyndan alnan habara asla dushunmedim. hich zady achyklaman hal\ka yetiryarler. Ondan-a in gowusy bular yaly habarlary bermezlik. Eyranda Kaleme gazyetinden hem haberimiz yok. Ol hem oppozisiyanyn gazyeti. Olar hem azaatlygyn bir gornushi. ka mahal sheyle bir jypdyryarlar welin,ichinde yashap yorus welin ozumiz gen galyas. Men-a dine yurt parahatchylygyny we arkayyn asuda yashayyshy isleyan. Bulagaylary haysy yurtda bolsa-da asla yigrenyan. Turkmenistnada hem bolsa,halkyn anyny bulamaga synansyhyan ,dowletde ojukdiriji pikirleri yayradyan we yokardaky yaly asylsyz habarlary beryan habarlar uchin yokarda yazypdym. Diyjek bolyan zadym hich kim choregi yenseden iyyan daldir. 21 yyl diymek dilde ansat. Charynyn tutulany bolsa eyyam 2 yyl bolupdyr. Biguna bolsa gopgun bary turardy.habar yarardy. Sessiz uynsuz 2 yyl gechiren bolsa,diymek habaryn yyramagyny islemeyarler ya-da habar asylsyzdyr.
Habaryn yayramagyny kim islesin, onda-da Eyranda ya TM-de. Yone tutulandygyna shubham yok. Acyklamak dowletlerin borjy, medianyn borjy aytdyrmak. Sho kaleme.com kiminkem bolsa oz bilen zatlaryny yazypdyrda, bilmedik zatlaryny nadip yazsyn. Doly bilemok diyip bilyanlerini yazsa ondanam bir media bolarmy? Yone parsca bilmamson dushunemok doly name yazylgy. Google translate'den seretdim, kan doly zat tapmadym. Yone yene aydyan: barde syyasy oyun bar. Yogsam Eyran mundan on kan syyasy tutulanlary goyberdi. Onam goyberer wagty gelende. 2009-da tutulyp, gecen ay sud edilipdir. 2 yyl dymyp gezen daldirler.
Yone media we metbugat barada aydanlarynyza ASLA goshulamok. Diktaturalar sheydip doreya. Parahatcylykmysh, asudalykmysh - beyleki tarapdada tutulyanlar, basylyanlar, haky iyilyanler, kosenyanler. Lyuboy yurtda hokumetlerin in halamayan zady MEDIA. Amerikadada sheyle, hokumetde oturanlar mediany halanok, yone dinlemek borjy. Yogsam parahatcylyk we asudalyk sholarada gerekdir. Media nama gerek onda. Kino gorubermeli gulalekli meydanlar barada. Kaleme.com jypdyryan yeri bar bolsa, IRNA ya ISNA ya Press TVnin hem jypdyryan yeri ondanam kan. Buzmeyinde zryw bolanda Eyranyn Press TVsi nahili berdi, okadynyzmy? Heshelle kakdylar. Ozlerine gerek bolsa hezil edyaler.