Tevezi kowup bilerler ýöne...

Manchester Cityniň tälimçisi Roberto Mancininiň gaýdyp hiç haçan oýnatmajagyny aýdan oýunçysy Carlos Tevez kluby bilen sudlaşmaly bolup biler. Ýöne beýle ýagdaýda iki tarapa hem kyn günler garaşýar.
Bilşiňiz ýaly Manchester City Çempionlar Ligasynda Bayern Münchenden utulandan soň tälimçi Roberto Mancini Teveziň oýuna girmek islemändigini we ony gaýdyp hiç haçan oýnatmajagyny aýdypdy. Tevez bolsa Manciniň ýalňyş düşünendigini we oýuna girmek islemezlik ýaly hereket etmändigini aýdypdy.
Goal.coma reportaž beren adwokat Simon Gibson, Manchester Cityniň Tevezi klubdan çetleşdirip biljekdigini hatda wezipesini ýerine ýetirmändigi üçin suda-da berip biljekdigini aýtdy. Ýöne Gibsonyň pikiriçe Cityň elinde ýeterlik delil bolman biler.
Bu babatda wakany iki tarapyň biri birine ters beýan edendigine ünsi çeken Gibson: "Görýäs welin Mancini Teveziň oýnamak islemändigi hakyndaky pikirinden dänenok, Tevez bolsa boýnuna alanok. Eger bu işe hukuk garyşsa, aslynda nämeler bolup geçendigi anyklamaga synanyşylar we iki tarapam diňlener. Ýöne bu ýagdaýda Cityniň subut edip bilmezligem mümkin" diýdi.
Klub, Teveziň şertnamasyndaky şertleri ýerine ýetirmändigi üçin Tevezi suda beren ýagdaýynda bolup biljek zatlar barada durup geçen Gibson: "Teveziň ýoklugy sebäpli zyýan çekendiklerini we oýunçynyň muny öz keýpi üçin edendigini subut etmeli bolarlar, emma bu aňsat zat däl. Waka oýunyň soňlarynda bolup geçdi, City barybir 2-0 utulyp gelýärdi. Tevez ýöne bir oýunçy. Mancini mamla-da bolsa muny subut etmek kyn" diýdi.Teveziňem kluby suda berip biljekdigini aýdan adwokat Gibson: "Aslynda oýnadylmandygy üçin suda berse akylsyzlyk bolar. Ýöne aýtmadyk zatlaryny aýtdy diýip abraýyny zaýalandyklaryny öňe sürse bir zatlar çykmagy mümkin. Ýöne bu waka şaýatlyk edenler Manciniň pikirini goldasalar klubyň eli güýçlenip biler" diýdi.
Simon Gibson öz pikiriniň Tevezi klubda saklamalydygyny, eger kowan ýagdaýlarynda Manchester Cityniň finans tarapdanam zyýan çekjekdigini aýtdy.

Çeşme: http://sagdancepe.blogspot.com/