Ýollar (dowamy)

III
Syr saklaýan, geplemeýän dilimdiň
Her ädimde howa uçaýjak ýaly
Çüwdürüm dek akýan bir ters silimdiň
Äkidýädiň meni asmana sary

Soň başlaýan seniň bilen gepleşip
Men seni diňleýän, sen bolsa meni
Eger çyksa ýalňyş ýollar sepleşip
Olar bary-ýogy duzak ekeni

Käbir adam ýöräp bilmän ýykyldy
Gark boldular üstüňdäki çukura
Käte ýalňyş gapylaram kakyldy
Gadyr bilmän gelmediler şüküre

Hemmä ýary gerek maňa sen gerek
Seň ýaly dost bermez hemmä bu pelek

IV
Seň ýaly dost bermez hemmä bu pelek
Kime hakyky dost, kime ýasama
Kime has gytyndan, kime daş ýürek
Ýoldaş bermedimi pelek ýa saňa?

Senden uzaklarda galyp bilmek kyn
Ýekeje dertdeşim, jan ýoldaşym sen
Düz ýolda-da gidip bilmerin oňyn
Olar has ýakymly diňe seň bilen

Aglamaň, paýlaşyň ne derdiňiz bar?
Söýýärin men gam-gussa, dert çekmegi
Gussaly kalbyňy edeýin gülzar
Men hem halaýaryn derdim dökmegi

Gizleme syryňy dertdeş dostuňdan
Näçe yz goýdum men seniň üstüňde