Ýollar (Sonetler çemeni)

Ýollar
(Sonetler çemeni)Mundan 4 ýyl öň ýazypdym. Kämilligiň ilkinji ädimleri bu goşgular. Gurbannazaryň sonetler çemenini okap, meňem ýazasym geldi. Häzirlikçe başyny goýdum!

I
Uzynmy sen? Gysgamy sen? Bilmedim
Gyşyňy ötürdim, baharyň, tomsuň
Ýa bolmasa gujak açýan elmidiň?
Seň bilen geçirdim günleriň gowsun

Bir görsem ýagyşly, bir görsem garly
Ýa-da senem käte aglaýarmysyň?
Kimseler geçdiler ahmyr-armanly
Sen hem käwagt jiger daglaýarmysyň?

Göwni ýakynlary goýduň uzakda
Her äden ädimim ýatlama boldy.
Öňüňde gurlan näçe duzaklar
Özüňi biderek aklama boldy

Azaşýanlar köpdür töwregňe seret
Ýöne men şonda-da bir zada belet

II
Ýöne men şonda-da bir zada belet
Seniň derdiň bütin dünýäniň derdi
Ol dertler üstüňde üýşmäge derek
Ýok bolup, bir-birden ýitip giderdi

Seni söýen derdini-de söýýändir
Menem diýýän: derdim dermandyr maňa
Seniň gysgalygňa göz ýetirýänler
Başyn ýere goýup ýetýändir daňa

Men derdimi sende dökýärin diňe
Şeýdip käte begenjimden ereýän.
Seniň päk howaňy sorup içime
Ýeke, ýalňyz, derdim bilen ýöreýän.

Çünki sen her dertde meniň bilendiň
Syr saklaýan, geplemeýän dilimdiň