BAÝLYK

Bir gün, bir baý adam, obadakylaryň nähili derejede garypdyklaryny görkezmek üçin, ogluny bir kiçijik oba gezelenje äkidýär. Olar şol obada bir gün, bir gije geçirýärler. Öz rahat öýlerine dolanyp gelenlerinden soň kakasy oglundan:"Gezelenç nähili geçdi" - diýip soraýar."Örän gowy, kaka!" - diýýär ogly."Adamlaň ýagdaýlaryny gördüňmi?""Hawa.""Nämeler öwrendiň onsoň?""Olarda bar zatlary biziňkiler bilen deňeşdirdim.""Tapawudynam gördüň dälmi?""Gördüm, özem gowy gördüm.""Aýdyp ber hany, menem diňläýin""Biziň öýmüzde bir it bar, olarda bolsa dört sany. Biziň bakjamyzyň ortasynda uly basseýka bar, olarda bolsa uzyn derýalar. Biziň bakjamyzda bezegli  çyralar bar, olarda bolsa sansyz ýyldyzlar. Biziň güllerimiz bakjamyzyň diwarlaryna çenli ýetýär, olaryňkyň bolsa soňy görnenok."
"Nähili derejede garypdygymyzy görkezeniň üçin saňa minnetdar, kakajan!"