Rubin-Lion

Ine, bijäniň netijesi boýunça Rubine Lion düşdi. Dünýä belli Deloitte audit kompaniýasynyň seljermesi boýunça, 2009-njy ýylda Lionyň býujeti 139,6 mln.ýewro boldy.
2004-nji ýyldan bäri Lion Çempionlar Ligasynda her ýyl toparlaýyn tapgyrdan geçip, plaý-off çykýar(!). 2004-2006 ýyllarynda 3 ýyl yzly-yzyna çärýek finalda oýnady. 2009/2010 möwsüminde bolsa ýarym finalda oýnady. Häzir bu topar UEFA reýtinginde 11-nji ýerde we IFFHS reýtinginde 67-nji ýerde. Baş treneri Remi Gard. Lakamlary-«dokmaçylar». Resmi ady «Olimpik Lion».
Bu toparda oýnan belli oýunçylar Žan Tigana, Lýudowik Žüli, Frederik Kanute, Abedi Pele, Mahamadu Diarra, Maýkl Esýen, Erik Abidal, Floran Maluda, Silwen Wiltor, Gregori Kupe, Anderson, Nilmar, Edmilson, Fabio Grosso, Jon Karýu, Jowanni Elber, Luýindula, Sidneý Gowu, Hatem Ben Arfa, Karim Benzema, Juninýo, Milan Baroş we beýlekiler. Geçen sezonda Fransiýanyň çempionatynda Lill we Marselden soňra üçünji boldy. Häzir topar dürli oýunçylaryny satmagy meýilleşdirýär. Meselem, Ali Sissokonyň gitjegi anyk diýen ýaly. Toparyň oýunçylarynyň agramly bölegi ýaşlar. Rubiniň tejribesi Lionyň ýaşlarynyň tizligine garşy bolar. Häzirki düzüminde belli oýunçylar: derwezeban Ugo Lýoris, goragçy Kris, ýarym goragçy Ýoan Gurkuf, hüjümçi Lizandro Lopes. Köplenç 4-5-1 shemada oýnaýar.
Gurban Berdiýew Lionyň köp oýnuny synlar we jikme-jik seljerer, Liona garşy iň gowy taktikany saýlar, oýunçylar bolsa ellerinden, aýaklaryndan we kellelerinden geleni ederler. Dinamo Kiýew bilen oýunda bu işe ýarady. Göreliň, Lion bilen nähili bolarka?

Rubin Liony geçermi?

Rubiniň şansy 45%, Lionyňky 55%(46%, 6 adam)

Rubiniň şansy 55%, Lionyňky 45%(30%, 4 adam)

Zat diýip bilemok...(23%, 3 adam)