Aristoteliň at saýlaýşy

Isgender Zülkarneýn söweşe gitjek bolanda Aristoteli ýanyna çagyrypdyr. Oňa ýörişe ýaramly, uzakçyl we çydamly atlary taýýarlamagy buýrupdyr.
Akyldar atlaryň dürli reňklerinden jemläp, bir wagtda ot hem iým bermän, bir ýatakda saklapdyr.
Üç günden soň baryp görseler, al at ejizläp, öler halyna ýetipdir. Ony aýrypdyrlar.
Dördünji gün ýene seretseler çypar at ejizläpdir. Ony-da aýrypdyrlar.
Bäşinji gün ýene seretseler, gyr at ejizläpdir, ony-da aýrypdyrlar.
Altynjy gün ýene seretseler, menek-menek at ejizläpdir, ony hem aýrypdyrlar.
Ýedinji gün seretseler, gara at ejizläpdir, dokuzynjy gün dor at ejizläpdir.
Onunjy gün baryp görseler, hurmaýy at ejizlemän, aýak üstünde dur eken.
Şeýlelikde, hurmaýy hem dor atyň açlyga we suwsuzlyga atlaryň ählisinden artykmaç döz gelip bilýändigi anyklanypdyr.
Garaňkyda görgürligini barlamak üçin bolsa, tüm-garaňky gijede atlaryň öňlerine ýeke tar gara gyldan ýüp çekipdirler hem-de olary şoňa tarap sürüpdirler. Ony ilki gara at görüpdir. Ondan soň hurmaýy dor at görüpdir. Bu ikisinden ýüz ýigrimi müň at taýýarlap, söweşe gidipdirler we ýeňiş bilen gaýdyp gelipdirler. 

Bu gyzykly maglumatlar türk alymy Aly Apbas Çynaryň "Türklerde at we atçylyk" atly kitabynda bar eken.