...we ynsan aldandy
Sen kiçi bir älem, älem bolsa uly bir sen. Bütin dünýä sen üçin ýaradyldy. Kitaplar sen üçin we
özüňi bilmegiň üçin ýazyldy. Bütin jahan taryhy seniň taryhyň.
Seniň dünýädäki hekaýaň jennetde, bellenen wagtyndan öň gadagan edilen miýweni iýeniň üçin gurbede gelmek bilen başlanýa. Soň köp ýyllar puşmanlyk. Soň görgisizlik bilen mi
gabanjaňlyk bilen mi öz doganyňy öldürmek. Bu seniň dünýädäki ilkinji
jenaýatyň, ýöne soňkysy däldi. Öz keypi sapaň ugruna mestlik içinde ýene näçe
doganlaryňa zyýan ýetirdiň. We näçe gezek weýran boldyň.
Seniň arzuwlaryňyň we islegleriňiň çägi ýokdy. Dünýädäki wagtlaýyn gözellik, amanat güýç we
baýlyklar bilen özüňi ýitirdiň. Bu zulmatly dünýäde aýdyňlyk gözlediň we tapan
şemleriňi güneşdir diýp pikir etdiň. Näçe gezek almaz çaklap aýna
parçalaryna bütin barlygyňy berdiň. We näçe gezek puşman boldyň.
Sen käwagt diňe aklyňa daýandyň we käwagtam diňe duýgylaryňa. Içiňdäki söýgä bolan mätäçligiňi, sen ýaly söýgä sepiller bilen giderjek boldyň. Diňe akla daýanan wagtyn aklyň
bilen hemme zady düşünerin öýtdüň we özüň bilen gapma-garyşdyň. We näçe gezek
ýeňildiň.
Sen özüňe haýwanyň kämil görnüşi we maddy bir barlykdyr ýada diňe illýuziýadan ybarat bir ruhdyr diýdiň. Bu ýarym kör düşünjeleri, seni hemme taraplaýyn kanagatlandyryp
bilmejegini bilseňem kabul etdiň. We näçe gezek çäresiz galdyň.
Sen öz içiňde arzuw, isleg we höwesleriňe gul bolanyňy bilmezden bütin ömür daşarda azatlyk
gözlediň. Hakyky azatlykdan, wagtyndan öň miýweni iýdiren islegiň sebäpli aýra
düşeniňi ýatdan çykardyň. We gapyllyk bilen özüňe ýalançy erkinlikler edindiň. We
näçe gezek azaşdyň.
Sen, ynsan, şunça ýalňyşlyklar içinde, wagtlaýyn gelen dünýäňde şatlyk gözlediň. Şahyryň diýşi ýaly gurbette garyp şaduman bolup bilmezdi. Şol gurbetdäki garyp sendiň. Wezipeň
ýitirilen jennedi tapmakdy. Ýöne oňa ýetmek üçin köp päsgelçilik bardy. Bu
ýoldaky iň uly duşmanyň bolsa öz nebsiňdi. Diňe hakyky öýüňde hakyky dynçlyga,
rahatlyga ýetip bilerdiň. Emma howlykdyň. We näçe gezek ilk ýalňyşyňy
gaýtaladyň...we aldandyň
Состояние архива
● Полный текст
● Сохранено комментариев: 13/13
Опубликовано на сайте: teswirler.com · Источник: копия Web Archive — ertir.com, 28 мая 2012 · Открыть оригинал ↗
Комментарии 13
Ýazgy özüňkimi? Örän ajap beýan edilipdir, özüň ýazan bolsaň tüweleme. Ulanan terminleriňden terjimä meňzetdim ýöne..
şu mowzugyn adyny önem görüpdim şu yerde..
Ýazanda men ýazdym weli köp kitaplardan alynan düşünjeler, ýöne terjime däl. Aslyna seretseň her paragrafta bir ýada iki sany filosofiýa düşünjelerini (materializm,spiritualizm,liberalizm,darwinizm,...) tankyt etmäne hereket etdim. Mowzuk ady şu wagt bloglarda köp ulanylýa.
Hawa, ýalňyşmasam ýakynda türkiýede bir kanalda bu at bilen (...Ve insan aldandı) bir serial goýýalar, arada reklamasyny okapdym gazýetde. Terminler gaty tanyş geldi, gozgalýan meselelerem örän ähmiýetli temalar, özüň ýazan bolsaň galamyňa bereket. Ilkinji jenaýat hakynda ol bütin jenaýatlaryň göz başydyr diýen ýazgylara menem gabat gelipdim, örän pikirlendirýän tema..
Sagbol Free. Şu ýeri ýüregime jüňk boldy Içiňdäki söýgä bolan mätäçligiňi,
sen ýaly söýgä sepiller bilen giderjek boldyň.
Sag bol, Free! Haladym. Munyň oňat bir filosofiki oýlanma bolupdyr. Bütin adamzada gönükdirilen bir ultimatum diýseňem boljak. Berekella!
Halan setirim: Wezipeň
ýitirilen jennedi tapmakdy.
haladym
Allajan bizi oz yolundan ayirmasin. mana gaty tasir etdi. thanx
ve insan aldandi samanyolu tv den berya , serial ýaly edip, gyzykly kinosam,senem gow yazpsyn.
men ýazgynyň başlanyşyny gaty haladym.
«Sen kiçi bir älem, älem bolsa uly bir sen.
Bütin dünýä sen üçin ýaradyldy.
Kitaplar sen üçin we özüňi bilmegiň üçin ýazyldy.
Bütin jahan taryhy seniň taryhyň. »
adamy (daýhany, suwçyny, deputaty, ministri, başlygy, çopany...) ýagdaýyna garamazdan ilki bilen şahsdygyny, ynsandygy ýatladýar. Beýiklere galdyrýar. Ynsana uly dereje berýär.
Dünýä biziň üçin ýaradylan bolsa,
Kitaplaram biziň üçin ýazylan bolsa,
Jahan taryhy biziň tarymyz bolsa...
hakykatdanam biz ähmiýetli bir ýaradylanlar.
Gaty gowy ýazgy, sagja bol Free!
P.S. Blogumda paýlaşsam bolarmy?
bolar paýlaşawer
gaty gowy yazyppsyn Free men yekeje setirini dal hemmesini haladym 👍