Çapyksuwar
Çüw!
Çap, atym, çap!
Çüw!
Çap, atym, çap!
Uzak ýol düýrlenip başlandy birçak,
Atlaryň toýnagy gyzypdyr kemsiz.
Görýärin seniňem bedeniňden der
Akyp dur,
Akyp dur,
Akyp dur çensiz.
Özümi söýşüm dek söýýärin seni,
Söýýärin, ýadapsyň, bilýän, eý, aman!
Nätjek, bu ýaryş-da, birden galaýsaň,
Bagyşla, oňmaryn gamçy bulaman.
Bagyşla, gadagan ýadamak bu gün,
Duýmarys bolsa-da endammyz öl-suw.
Gaýrat et, ganatly guş deýin uç sen,
Çap, atym, çap, çap,
Çap, atym, çap, çap,
Çüw!
Gaýrat et, ganatly guş deýin uç sen,
Aş sen kötellerden galsyn tozanyň.
Pellehana barmaly biz ilkinji,
Almaly baýragy bardyr ozanyň.
Dogry, seniň döken her damja deriň,
Ýüzlerçe baýrakdan artykdyr artyk.
Şoň üçin almanam bilerdik, ýöne
Soň gezmeli borus ýüzümiz örtüp.
Çünki alynmadyk baýrak - ýeňiliş,
Geçilmedik menzil - köýdürlen arzuw.
Arzuwy köýdürmek bolsa günädir,
Çap, atym, çap, çap,
Çap, atym, çap, çap,
Çüw!
Arzuwy köýdürmek günädir günä,
Güýjüň barka göreşmeklik gerekdir.
Ertemi? Kim bilýär ýaryşly ýola
Şu günki gelşimiz soňky gezekdir.
Belki, ýetip bilmän pellehana-da,
Tüwdürlip gideris... Düşeris gözden,
Şondan yzdan gelýän çaman atyňam
Ozup geçäýmegi ahmaldyr bizden.
Her zatlaň, her zatlaň bolmagy mümkin,
Ýaryşly ýollaryň kadasydyr bu.
Aý, bu zatlar hiç-le, oňatlyk häzir
Çap, atym, çap, çap,
Çap, atym, çap, çap,
Çüw!
Awtory Italmaz Nuryýew.
Goşgy at baradamy?
Hawa(22%, 2 adam)
Ýok(77%, 7 adam)
Goşgy okamok. Bu mowzuga-da ýalňyşyp giripdirin.(0%, 0 adam)
Состояние архива
● Полный текст
● Сохранено комментариев: 12/12
Опубликовано на сайте: teswirler.com · Источник: копия Web Archive — ertir.com, 3 августа 2012 · Открыть оригинал ↗
Комментарии 12
Goşgy elbetde at barada ýa-da ýaryş göreş baradamyka
Göni manysynda düşünseň, onda at barada. Ýöne şahyr başga-başga zatlary göz öňünde tutan bolmaly.
Manysy güýçli eken.
Gowy goshgy. Olar bashgacha yazyardylar. beyle shahyrlar turkmende dorarmika?
Bilmedim-dä, ýöne goşgy ýazýan-a köp.
Fordmiks bilen ARA bir zat ederlaý
Be, ýene-de syrly goshgy.
@Kab aga, meni indi gowy tanaýansyñyz, belki näme sorag berjegimäm bilýänsiñiz...
Kyn görmäñ.:-)
goshgyny haladym, at usti bn durmushdaky yarysha kakdyrypdyr shahyr aga
Şahyr durmuşy ýaryşa meňzedýär. Pellehana bolsa çukur!
Ýalňyşmasam şahyr nebis bilen wyždanyň durmuş ýolundaky ýaryşyny suratlanypdyr. Wyždan atyna çüw diýýär, ýogsam nebis geçer pellehana ýetmänkä..
Italmaz Nuryýewiň goşgylarynda Belentlige
<span lang=EN-US style=font-size:10.0pt;line-height:115%;font-family:Trebuchet MS,sans-serif;ymtylma kän göze ilýär, menin pikirimçe bu goşguda hem adamyň özi bilen durmuş
hakdaky gepleşmegimika öýtýän. Bu ýaryşda her zat edip birinji geljek bolmak
hem beýiklige ymtylyşmyka diýýän. Şahyr hemişe beýiklige ymtylan adam bolupdyr.
Mysal üçin ” Alçy gop aşygym” atly goşgusunda hem
Garaz ýagşy ýaman tutulýar adym
Adyma ýer berýär ortaky setir
Ýöne şol “ ortalyk” ýigrenýän zadym
Şoň üçin haýyş bar ýa ala getir
Ýa ýyllar maňlaýda goýmaka gasyn
Alçy gop aşygym alçy gop basym
Diýýan setirleri
<span lang=EN-US style=font-size:10.0pt;line-height:115%;font-family:Trebuchet MS,sans-serif;
color:#666666>Çünki alynmadyk baýrak - ýeňiliş,
color:#666666>
Geçilmedik menzil - köýdürlen arzuw.
Arzuwy köýdürmek bolsa günädir,
Çap, atym, çap, çap,
Çap, atym, çap, çap,
Çüw!
diýen
setirlerine gaty meňzeýän ýaly, bir ýerde şahyr öz ruhyny aşyk ýerine goýsa
başga birinde bolsa özüni at ýerine goýýar.
Käte bolsa şahyr beýiklik hakynda öz
hyýalyndaky gahrymanlardan nesihat alýar, nazym hikmede bagyşlanyp ýazylan
goşguda bolsa
“ gaýalardan gaýalara dyrmyşyp
Diýdiň “ ne gar ne-de bag bolgun oglum,
Başarsaň şolary özüňde jemlän
Synlaýan dagyň dek dag bolgun oglym”
Men şu mysaldaky üç goşgyda hem we beýleki
goşgylaryň köpisinde kämillige bolan ymtylyş görýärin…
öraen ajayyp goşgy. Italmaz Nuryny has gingişleyin tanatmak gerek Türkmenlere. Kab aga, sag bolung.