Minnetdardyryn...

Sebäp sen! Sen sebäp söýmekligime,
Duýgymyñ içinden ejizin tapyp,
Ony hem gapgaryp ýalynlar içre,
Ynamyñ ýüpini temençä sapyp,
Kalbymyñ törinden edinip hüjre,
Sen sebäp! Sebäp sen köýmekligime.

Gelde gör halymy, neneñsi halda,
Söýdim, köýdimleriñ soñy puçmy ýa,
Hanha seret bize şaýat ýyldyzlar,
Göriplere aýrylygmyz buşlaýar.

Unutmadym. Unutjagam bolmadym,
Duýgylam ejaza bermedi asla,
Ýöne welin sen hakdaky şygyrym,
Hekaýam, oýlanmam, howaýy kyssam,
Poemam, romanym... ýetmezem bilýän,
Emma bütin ömre ýeterlik gussa,
Sowgat edeniñe minnatdar dünýäm!...

Awtory: Baýram Bejidow