Dogry çykmaz zybanyndan, Kemakylyñ ýoñy bolmaz...

Alladan gelse permany,
Hoş sözleriñ emi bolmaz,
Tapylmaz köñle dermany,
Terkidünýäñ çemi bolmaz.

Peýdasy ýok kineleriñ,
Kime derkar iñlemegiñ,
Boş, howaýy hiñleneniñ,
Saz bolsa-da heñi bolmaz.

Topulmajak güjik üýrer...,
Halal ündäp, haram iýler,
,,Men-men" diýer tekepbirler,
Asyl sözde seni bolmaz.

Kemi gözlemez añyndan,
Ýalan çogsa-da alnyndan,
Dogry çykmaz zybanyndan,
Kemakylyñ ýoñy bolmaz.

Bu ömüriñ özi gussa,
Günä artar, toba ýitse,
Her kim iman bilen ötse,
Şondan ötri gamy bolmaz.

Awtory: Baýram Bejidow