Ynan! ertir iñ ajaýyp gűn bolar

Ynan! ertir iñ ajaýyp gűn bolar,
Iñ owadan säher dogar alnyñdan.
Arzuwlaryñ ak ýoluña gűl bolar,
Bagt dörär uzakdaky salgymdan!

Ertir saña gurbat geler, gűýç geler,
Durmuşyñ hem dűnýäñ gowa özgerer.
Bagt diýleni ynjyk bolar, giç geler,
Näme diýse diýibersin özgeler!

Hany tur ýeriñden galdyr başyñy,
Ynamyñ goluny goýberme hijem.
Herne hasrat dolanynda daşyñy,
Zähmet çek, zähmet çek ýene-de tijen!

Men ynanýan, senem ynan özűñe,
Niýetiñi ýagşa tutda ýöräber.
Nähilli bolsañam illeñ gözűne,
Ykbal diýlen niýet päle görädir!

Bagt dörär uzakdaky salgymdan,
Arzuwlaryñ ak ýoluña gűl bolar.
Iñ owadan säher dogar alnyñdan,
Ynan! Ertir iñ ajaýyp gűn bolar!

30.05.2021 ý
15:50
Gűlşirin Hanowa