PEÝZAŽ

Maý aýlary. Oba meýdany. Ullakan ekiz atyzynyň bir burçunda, beýleki agaçlardan saýlanyp oturan tut agajy iki aşygy Gün nurunyň ýiti şöhlesinden döräp, gulaç ýaýyp otyrdy. Biz sergin şemala şybyrdap seslenýän ýapraklaryň owazyny saza meňzetsek, iki aşygyň dahan içre aýlanýan mylaýym sözleri aýdymyň baş keleme namasyna çalym edýärdi... Birek-birege ýollanýan kelamlaryň arassa kalplaryň, päkize göwünleriň müňkürlik ýokundysy bolmadyk, akyl-parasadyň önümidi. Golaý we alys gözýetimdäki gözel görnüşi tebigy gudratyň barlyk barydy. Iki aşygyň dideleriniň üsti bilen, olaryň kalbyna ýol salyp, ynsan köňli arkaly janly tebigaty birleşdirýän rishte alamatyny aňladýardy. Aşyklaryň gözlerini gözel peýzaž mylaýym gyjyndyeýan bolsa, olaryň duýgularyny birek-birege aýdylýan şirin-şerbet, köňül özeninden çogup çykýan mähri dil peýwendi mukaddes tagam lezzetini berýärdi. Tebigat gözelliginiň goýnunda oturan aşyk-magşuklaryň bu görnüşlerinde birek-birege berk ynamyň, mähir-wepanyň şu uly we berk synaly tut agajy ýaly geljekde-de dogry saýa saljagyna kök-u-damarly alamat duýulýardy.

Şyhmyrat ABDYLLAÝEW