Biraz oýlanyp gepläliň

Adamlar özüni musulman hasap edýän bolsa öz dinini öwrenmelidirler. Din näme ol– Allah tarapyndan esaslandyrylan kanundyr. Ol ynsana ýaradylyş maksadyny, barlygynyň hikmetini bildirýär, Beýik Ýaradanyň öňünde nähili ybadat etmelidigini öwredýär. Täzelikde erkek näçe zenana öýlenip bilýär diýen temada gürrüň,çekeleşik boldy. Her kim ol bolýa,ol bolanok diýip özleriçe netije çykardylar. Näme üçin şeýle çekişme bolýar,sebäbi dinini bilenoklar,bilmegem islänoklar. "Öz aýalyňy,aýal doganyňy,gyzyňy berersiňmi ýa alsa bolarmy "—diýip ters sorag berip duranlaram tapyldylar. Ýokarda hem aýdyşymyz ýaly din—barça zady ýaradan Allahyň kanuny, Allatagala adamlaň arasynda tertip-düzgüni ýola goýmak üçin öz dinini ýola goýýar. Şol dine özüni musulman hasap edýän bar adam boýun bolmaly, näme üçin eýle,näme üçin beýle diýmäge haky ýok. Men bu dine garşy diýen ahyretde ebedi otda bolar,estagfirullah. Biraz pikir ediň Allatagala nähili beýik nähili güýç-kuwatyň eýesi,ullakan ýer şaryny gyşda sowadyp,tomusda gyzdyrýar,uly şäherleri sähel salymda tekizleýär,döredýän harasatlaryndaky güýç-kuwwadynyň öňünde durup bilýän zat barmy. Gyşda baglary,mör-möjekleri ukladyp ýazda olary ýene ýaşaýşa oýarýar. Barça zady ýokdan bar eden Allatagala,bar zat onuň öz mülki,şeýle bolansoň öz mülkinde kanunlary özi goýýar. Adamyny ene garnynda ýetişdiren ol dälmi,siz ýene ol eýle,bul beýle,ol bolanok diýip Allatagalaň goýan kanunyny maslahatlaşan bolýaňyz.Ýokarky tema gaýdyp gelsek Allatagala Kurany Kerimde Nisa süresinde "size halal bolan
göwnüňiz islän aýallardan iki, üç ýa-da
dört aýala (çenli) öýlenip (bilersiňiz)"—diýip bildirýär. Özem şu ýerde öňki aýalyňyzdan sorap diýen ýeri ýokdur. Men bu ýerde Allatagala şeý diýipdir bizem alalyň diýjek bolamok,sebäbi aljak diýip alybermeli diýen zat ýok. Ol diňe bir rugsatdyr we ikinji, üçünji, dördünji
boljak aýal hem muňa mejbur däldir. Şeýle-de erkege
aýallarynyň arasynda adalaty saklamak şert edilýär,
muny başarmakdan heder edýän bolsa, ýeke aýal bilen
oňmalydygy, ýogsa günäkär boljakdygy aýdylýar. Aýdaly bir erkek adama başdaş aýalyndan başga zenanlaryň ýene 3-si oňa gelmäge razy boldy ol hem aldy diýeliň. Indi şol adam olaň dördüsinem deň şertde saklamaly,iş buýrsaň deň buýrmaly,zat alsaň deň almaly,hersiniň ýanda deň wagt bolmaly,olary agzybir saklamaly,bu owadan,özem ýaş diýip ýa başga sebäp bilen birini öňe tutmaly däl.
Mowzukda diýjek bolýan zadym dinimizde her bir zadyň çözgüdi bardyr we şoňa görä bolmalydyr. Ýok ol zatlaň wagty geçdi,indi eýtseň bolmaz,näme üçin beýle diýip ters dawa tutsaň Allatagalaň garşysyna gidýändigiňi unutma,bu wagt gepläp bilýäň gohlap bilýäň ... emma şeýle bir gün hökman geler geplejek bolarsyň agzyň-diliň gymyldap bilmez, hereket etjek bolarsyň asla gymyldap bilmersiň,ana onsaň saňa bar aýdan sözüňden,her bir eden işiňden hasap bermeli wagtyň başlar.
Şonuň üçin dostlar,doganlar häzir bolup gepläň,diniňizi öwreniň,Allatagala barymyza dogry ýolda bolup ahyretimizi gazanmak nesip etsin !