Neýläýin

Awtor:Nowruz GÜÝJOW

Görsem göwnüm galkynar,
Görünmeseñ neýläýin.
Birden meniñ bagtyma,
Ýazylmasañ neýläýin?!

Eliñde juwan ýaşyñ,
Egniñde gyzyl-ýaşyl,
Gülseñ arzuwym hasyl,
Bezenmeseñ neýläýin?!

Aýtjak sözlem huşumda,
Aýlap ýollar aşamda,
Golaýlansoñ gaşymda,
Eglenmeseñ neýläýin?!

Guwanyp gül ýaşlyga,
Düşüp ýörün yşkyña,
Gutarma ýok waspyña
Jemlenmese neýläýin?!