Halk dürdäneleri

KITAPLAR AÝDYPDYR

Köne kitaplarda ýazylyşyna görä, adamlar dört topara bölünýän ekeni: kerim, sahy, bahyl, husyt.
Kerim – ýoguny bar edip, ile iýdirer.
Sahy – özem iýer, il-de eçiler.
Bahyl – diňe özi iýer.
Husyt – özem iýmez, ile-de iýdirmez.

SAPAR

Biri bilen ýoldaş bolup sapara gideniňde, sen ýolda-da, düşläniňde-de, hemişe özüňi onuň guly diýip hasaplagyn, şonda ol hem özüni seniň guluň saýar. Eger şeýtseň, mydam wepaly, ähtibar ýoldaşly bolarsyň. Saparyň-da şowly bolar, rahat bolar. Kemsiz ýoldaş gözleseň, ýoldaşsyz galarsyň. Geçirimliniň işi şow. Bir keren geçiren ýüz keren utar.

GÜNÄKÄR

... Iki adam sögüşse, içinde akyllysy günäkärdir. Eger haýwan bilen adam oňuşmasa, adam günäkärdir. Eger halypa bilen şägirt oňuşmasa, halypa günäkärdir. Eger dana bilen samsyk oňuşmasa, dana günäkärdir.

OWADANLYK NYŞANLARY

Zenan gözelligi gadymlarda şeýle kesgitlenipdir:
Üç gara – gaşy, gözi, saçy;
Üç ak – ýüzi, bilegi, dişi;
Üç inçe – boýny, bili, barmaklary;
Üç ýogyn – saçy, bilegi, bagdakary;
Üç uzyn – boýy, saçy, barmaklary;
Üç gysga – bagdakary, bilegi, dili.