Dostlar guni!

Dostlar güni, has takygy, dostlary gazanmagyň we olara täsir etmegiň güni ABŞ-da her ýylyň 24-nji noýabrynda bellenilýär. Baýramçylyk belli amerikan psihology we ýazyjysy Deýl Karneginiň (1888 — 1955 ý.) doglan gününde geçirilýär. Ýazyjynyň «Dosty nähili gazanmaly we adama nähili täsiriňi ýetirmeli?» (How to Win Friends and Influence People) atly kitaby dünýä meşhurdyr. 1936-njy ýylda ilkinji gezek çap edilen bu kitap şu günki günde-de dünyäde iň geçginli we köp okalýan kitaplaryň hataryndadyr. Bu kitap türkmen diline hem terjime edildi. 24-nji noýabrda ABŞ-nyň uniwersitetlerinde, kolležlerinde, mekdeplerinde ýazyjynyň şu kitabynyň esasynda jemgyýetde öz ornuny tapmaga, dostlary gözlemäge ýardam edýän söhbetdeşlikler guralýar.