Smartfonlar golaylaşyp gelyän maşyn barada habar berip başlarlar

2020-nji ýylyň ahyrynda Russiýanyň birnäçe sebitlerinde pyýadalara golaýlaşyp gelýän awtomobil barada duýdurýan smartfonlar üçin niýetlenilen programma synag edilip başlanar. Bu barada Ria Nowosti habar berýär.
Bu programma mugt bolar. Pyýadalar bilen bagly bolup geçýän ýol-ulag heläkçilikleriniň aglabasy olaryň hereketi bilen bagly bolýar, çünki adamlar swetoforyň gyzyl signalynda ýoldan gulagy nauşnikli ýa-da telefona güýmenip geçýärler. Programmanyň esasy auditoriýasy ykjam telefonlary köp ulanýan, kähalatlarda hatda ýokary okuw mekdepleridir orta mekdebe gidilende hem ulanýan ýaşlar bolar.
Programma habar beriji fon režiminde pyýadalara awtomobiliň golaýlaşýandygy barada duýdurar. Sistema emeli aňy ulanar we 100-200 m ýerleşýän awtomobilleri görkezip, “akylly” swetoforlaryň maglumatlaryny ýygnar. Şonuň bilen birlikde bu programma awtomobilleriň hereket tizligini we howa şertlerini hem göz öňünde tutar.
Programma “Awtodata” taslamasynyň bir bölegi bolar we ulag ulgamlarynda hereket edýän sanly sistemalaryň maglumatlaryny ýygnar, işläp taýýarlar.
Ony Moskwa, Tombow we Kursk şäherlerinde, Wolgogradda, Samarada we Tomskide synap edip başlarlar.