Keremiňden umydygär.

Günälere giriftar men ýa Alla,
Şonda-da Seň kerimiňden umydgär,
Senden başga rehim etjek kim maňa,
Ýalbarýaryn jepalardan meni gutar.

Gündizleri dilim Saňa senada,
Gijeleri köňlüm Saňa nalada,
Artyk kösemäni Allam bu halda,
Ýalbarýaryn jepalardan meni gutar.

Muhammediň ulug şany hakyna,
Şehitleriň daman gany hakyna,
Atam Ybraýymyň jany hakyna,
Ýalbarýaryn jepalardan meni gutar.

Başym Saňa Kadyr Allam sežde-de,
Günälermiň kiçilerni geçme-de,
Halymyň möwrütin uzak çekme-de,
Ýalbarýaryn jepalardan meni gutar.

Ýolagçy