Bagyshla

Men seni söýüpdim jandan. Aýdym edip adyňy.
Bir gün dostumyň penjeginden hat gaçdy.
Alyp okadym.
(Şol hat goýdy söýgimiziň soňky nokadyn).

Başynda seniň adyň bardy. «Seni söýýän...».
Şuňa meňzeş sözler kändi ýene-de...
Men şol pursat giň dünýäni unutdym.
Şonuň bilen seni-de.

Men soň bildim, şol hat ýazylan gyzyň
Seniň adyňdaky başga gyzdygyn.
Men näbileýin?! Aslynda günäkärmi men,
Dünýede seň adyňda, seniň ýaly gyz asla bardyram öýtmänim üçin...
Saňa söýgi sözüm aýtmanym üçin...

Özümkiden özge söýgi bardyr diýp,
Asla pikir etmänimi nädeýin...
Sen meni bagyşla, gözden uçanym,
Öt günämi, Ýazylmadyk täleýim...
Açary ýitirlen şalygym...

#Kakamyrat _Rejepow