Şowlulyk getirýän nyşanlar

Şowlulygyñ üýtgäp durýan zatdygy sebäpli, adamlar ony özüne çekmek, saklamak üçin birnäçe usullary oýlap tapypdyrlar. Şeýlelikde, olar şowlulyk getirýän nyşanlary şaý-sep hökmünde dakynypdyrlar. Öýlerinde, iş ýerlerinde saklapdyrlar.

NAL. Ol misden, altyndan, umuman, metaldan ýasalan bolmalydyr. Ony õýe girilýän gapynyñ ýokarsyndan asyp goýmaly. Halk arasynda nal öýüñe rowaçlyk, bereketlilik getirýãr we başga adamlaryñ ýaramaz pikirlerinden gorap saklaýar diýen yrym bar. Ýewropa ýurtlarynda nala keseligine seredeniñde, Aýa meńzeşligi sebäpli, ol özüniñ jadylaýjy güýjüne Hudaý tarapyndan eýe bolandygyna ynanylýar. Ýöne bagt getirýän naly nähili görnüşde asmaly? Şahjagazlara meñzeş tarapyny ýokaryk gönükdirmelimi ýa-da tersine we nirede?
Gündogar we Ýewropa ýurtlarynda, şeýle hem Latyn Amerika nalyñ şahjagazlary aşakda durar ýaly görnüşde asýarlar. Şeýle etmek bilen olar bagtyñ seniñ üstüñe dökülýändigine ynanýarlar. Emma Angliýanyñ we Irlandiýanyñ halklary bolsa bagt akyp gitmez ýaly ony başaşaklygyna asýar. Meksikalylar her dürli teńñeler bilen bezelen nallaryny, oña hiç kim degmez ýaly, gapynyñ has ýokarsynda asyp goýýarlar. Italiýalylar bolsa tersine, her bir öýe giren adam oña degip geçer ýaly ýerde asýarlar.

ALTYN BALYK. Hytaýda berekediñ, bolçulygyñ nyşany balyk hasaplanylýar. Sebäbi olarda "balyk"
bilen "bereket" sözüniñ manysy bar. Şeýle hem balyk maşgala durmuşynda bagtlylygyñ nyşany bolup durýar. Öýüñde altyn balykly akwarium goýsañ, ol seniñ ojagyña bagt, rowaçlyk, özgerişlik getirýär diýlip ynanylýar. Akwariumda sekiz sany altyn we ýekeje gara balyk bolmaly. Sebäbi hytaýlylar "9" sanyñ asman bilen Zemin sazlaşygyny añladýandygyna ynanýarlar.

ÜÇ AÝAKLY GURBAGA. Agzynda teññe saklap duran üç aýakly gurbaga uly şowlulygyñ, rowaçlygyñ nyşany hasaplanylýar. Ol köplenç "in-ýan" nyşanly teññeleriñ üstünde oturdylan görnüşde şekillendirilýär. Onuñ agzyndaky teññe gymmat bahaly metal bolan altynyñ nusgasy bolup durýar. Üç aýakly gurbaga baýlyk getirýän iñ güýçli nyşanlaryñ biri bolup durýar. Ony ýeke-ýekeden öýüñ otaglarynyñ günorta-gündogar böleklerinde ýa-da iş stolunyñ üstünde goýmaly. Emma iş stolunyñ üstünde goýlanda ony edil gözüñ öñünde goýmaly däldir.
Bu barada hindilerde şeýle bir rowaýat bar. Gadym wagtlarda ūç aýakly gurbaga ýaramaz jandar bolupdyr we adamlara ýaramaz täsir edipdir. Ýöne günlerde bir gün hindi hudaýy Budda ony boýun egdirip adamlara kömek etmäge borçlandyrýar. Şondan bäri hem gurbaga adamlara ýetiren zyýanlarynyñ öwezini dolmak üçin olara baýlyk eçilýär.